Eimreiðin - 01.10.1927, Blaðsíða 27

EIMREIÐIN
RÍKISSKULDIR ÍSLANDS
331
útlendum lánum ríkisins. Að vísu er það kunnugt, að trúin á
skuldirnar er orðin rík hjá sumum meðlimum þjóðfélagsins,
og að þeir eru til, sem ekki eru ýkjahræddir við að taka ný
og ný lán erlendis á ábyrgð þessara fáu sálna, sem mynda
konungsríkið Island. En þeir menn eru fáir, sem betur fer.
Flestir keppa að því að reyna að standa í skilum og skulda
sem minst, helst ekkert. Svo er það um einstaklingana, og
vilji flestra landsmanna mun vera sá, að svo sé það einnig
um hið unga íslenzka ríki. En það er ekki tilgangurinn hér
að rökræða, hvernig slíkt megi verða. Tilgangurinn var aðeins
sá að greina frá í sem styztu máli, hve miklu ríkisskuldirnar
nemi. Þjóðin þarf að vita hvað hún skuldar, því hennar er að
greiða. Hún þarf að muna, að það er sambandsþjóðin, Danir,
sem nú eiga stærsta hönkina upp í bakið á Islendingum.
Sv. S.
Norðurljós.
— Aurora borealis. —
Eftir Jón Eyþórsson.
Furðu fáir íslenzkir rithöfundar hafa þreytt þá málraun að
lýsa til hlítar norðurljósum í óbundnu máli. Er annað tveggja,
að það þyki sem að bera í bakkafullan Iækinn að lýsa fyrir-
brigði, sem svo er hversdagslegt á landi hér, eða þá að flestir
hafi fundið, hve aflvana orðin verða samanborin við þessa
vafurloga himinsins.
Tíðræddara hefur ljóðskáldunum orðið um norðurljósin, sem
von er að. Allir kunna vísu Sigurðar Breiðfjörðs:
Norður loga ljósin há
Iofts um boga dregin.
Himinvogum iða á,
af vindflogum slegin.
Hún er ekki mjög skáldleg, en hún hefur óefað átt sinn þátt
í því að viðhalda þeirri hugmynd, að norðurljósin bærðust