Eimreiðin - 01.10.1927, Blaðsíða 95

EIMREIÐIN
RITSJÁ
399
Sem sæmir slíku merkisrili, er frágangur bókarinnar hinn ákjósanleg-
asti. Hún er prýdd nokkrum myndum. Richard Beck.
„NORRÖNA". Nýtt tímarit norskt.
Tímarits þessa hefur enn eigi verið getið í íslenzkum blöðum og fíma-
ritum, svo ég hafi orðið þess var, og mun það þó hafa verið sent þeim
flestöllum, og auk þess mörgum mönnum hér heima. Er það furðulegt
mjög og lýsir greinilega seinlæti voru og tómlæti um margt það, er jafn-
vel skiftir oss sjálfa miklu máli. Þetta nýja tímarit er nfl. stofnað í því
skyni að efla til samvinnu við oss Islendinga, og fjallar því einmitt sér-
staklega mikið um vor mál, og þar á meðal um utanríkismá! vor, ef
svo mætti að orði kveða — Auk þessa eru menn þeir, sem að útgáfu
tímaritsins standa, úr þeim flokki Norðmanna, er einlægastir eru íslands-
vinir, hafa mesta þekkingu á vorum málum, hlýjastar óskir í vorn garð,
og viðurkenna afdráttarlaust allar vorar ítrustu og fylstu sjálfstæðiskröfur,
einnig á því sviði, er hætt gæti verið við árekstri milli Norðmanna og
íslendinga. Sannleikurinn er sá, þótt íslendingum sé hann dulinn um of, að
hjá engri þjóð í heimi eigum vér eins marga vini og einlæga sem hjá Norð-
mönnum, þrátt fyrir hina miklu og harðvítugu togstreitu milli þeirra at-
vinnurekenda beggja megin hafs, er eiga alt sitt efnalega og andlega ágæti
undir síld og þorski. „Oft skeður slíkt á sæ“, enda ætti þau „utanríkismál"
vor að vera með þeim auðveldustu viðfangs, ef rétt væri farið að. —
Það er félag eitt í Björgvin, er „Bragr“ nefnist, sem upptökin átti að
stofnun tímarits þessa. Hafði félag þetta starfað árum saman að þjóð-
vakningu og málhreinsun, og gefið út tímarit eitt lítið, er Bragarskrá
nefndist. í fyrra fékk svo félagið til fylgis við sig Orænlandsnefnd þá,
er starfar í Björgvin, og auk þess allmargt alþektra og málsmetandi
manna. Lagði framkvæmdanefnd flokks þessa grundvöliinn að útgáfu
þessa nýja tímarits þegar í fyrrahaust, en þó drógst með útkomu þess
þangað til á þessu hausti.
— I þeim þremur heftum af „Norröna", sem hingað eru komin, hefur
verið rætt talsvert um íslands-mál og fiuttar fréttir frá íslandi. M. a. hefur
Grænlandsmálið verið rætt þar, en það er — eins og flestum hugsandi
mönnum mun nú farið að verða ljóst — vort einasta utanríkismál sem
stendur, og einn hinn stærsti þáftur og öflugasti í sjálfstæðisbaráttu vorri,
þeirri, er nú stendur fyrir dyrum. — Um landhelgismálið hefur einnig
verið ritað stutt og skorinorð grein, er íslendingar ættu að gefa gaum
að. Er þar eitt af þeim „alþjóðamálefnum", er norrænu þjóðirnar, ís-