Ægir - 01.04.1922, Side 21

ÆGIR
55
Islenzkur fiskur 1 Kataloiíu (Spáni).
I Fiskets Gang frá 11. janúar 1922
segir svo:
»Saltfiskmarkaðurinn í Katalóníu á
Spáni er sem stendur að heita má í
höndum Islendinga. Að visu er fluttur
þangað fiskur frá Færeyjum, Skotlandi
og jafnvel Frakklandi, en sá innflutning-
ur er hverfandi móti þvi, sem þangað er
flutt frá íslandi. Sem dæmi má taka, að
um nýár lágu 3 gufuskip á Barcelona-
höfn og affermdu íslenzkan saltfisk og
um sama leyti var von á 2 förmum
þangað frá íslandi.
íslendingar hafa unnið að því að fram-
leiða fisk, sem er við hæfi og smekk
Kataloniumanna og gengið þar vel fram.
Sem stendur er sendimaður islenzku
stjórnarinnar í Barcelona; er það herra
Gunnar Egilson, sami maður, sem í sum-
ar var fulltrúi íslenzku stjórnarinnar við
samningana í Madrid. Mun það ætlunin,
að hann dvelji nú fyrst um sinn í Barce-
lona, að öllum líkindum að eins til að
kynnast markaði i Kataloníu og greiða
fyrir innflutningi á íslenzkum fiski.
Auk hans eru um þessar mundir tveir
yfirfiskimatsmenn írá íslandi á ferðalagi
um Spán. íslenzka stjórnin hefir sent
þessa menn til þess að komast að kröf-
um þeim, sem Kataloníumenn gera til
verkunar á fiski þeim, er þangað er
sendur. Þeir eiga að rannsaka sölu og
samkepni annara þjóða á þessu sviði«.
Norðmönnum þykir nú nóg um
og eftir greininni að dæma er litil von
fyrir þá að geta kept við íslendinga á
áðurnefndum stað. Ferð fiskimatsmann-
anna mun hafa hin beztu áhrif á fisk-
verzlun vora við Spáu, og vonandi verð-
ur yfirfiskimatsmanni Jóni Magnússyni
gefinn kostur á að ferðast um landið til
þess að koma matinu í það samræmi,
sem nauðsynlegt er til þess að halda ís-
lenzka fiskinum sem príma vöru á Spán-
armarkaðinum. Langt er síðan að fiski-
matsmenn hafa farið til Spánar og of-
sjaldan eru íerðir þeirra þangað, en að
öllum líkindum verður þessi síðasta ferð
til þess að benda á það, að matsmenn
ættu að eiga þangað erindi eigi sjaldnar
en þriðja hvert ár og af þvi mundi að-
eins leiða gott eitt fyrir Island.
Sparsöm vél.
Um 20. janúar s. 1. var nýtt mótor-
skip reynt á Clydefljótinu. Nafn þessa
skips er »Pinzon« og hafði William
Beardmore & Co í Dalmuir smíðað
skrokk og vél fyrir útgerðarfélag í Lon-
don.
Skipið er að stærð 2050 rúmlestir og
vélar þess 1500 hestöfl. Hraði þess var
reyndur til þrautar og fóru til þess þrír
dagar, og sýndu tilraunir, að með snún-
ingshraða 95 á mínútu, skreið skipið 9
sjómílur á klukkustund, með 105, 10
sjómílur og með 115, 11 sjómilur.
Olíueyðsla var með 9 sjómilna hraða
3 smálestir á sólarhring (smálest c: 80
kr.), 10 sjómílna hraða 4 smálestir og
með 11 sjómilna braða 5,2 smálestir.
Skipið flytur um 2050 smálestir af vör-
um og eyðir á 216 milna vegalengd, olíu
fyrir c: 240 kr (9 mílna hr.)
Að reynsluferðum lolmum voru ræður
haldnar, og i einni ræðu gat fulltrúi
skipasmíðastöðvarinnar þess, að marga
kosti hefði þetta nýja skip, en mestur
væri þó sá, að hér hefði tekist að smiða
mótorskíp, sem gæti flutt 1000 smálestir
eína sjómilu fyrir minna en krónuvirði
í olium, bæði til eldneytis og áburðar.