Ægir - 01.04.1922, Page 22

56
ÆGIR
Eitt slysið enn.
9 menn drukna og 3 kelar til bana.
24. marz strandaði þilskipið »Talisman«
frá Akureyri, sem var á leið hingað
suður, utarlega við Súgandafjörð að
vestanverðu, í svonefndri Kleifavík. Var
þá afspyrnu norðanveður. 7 af skips-
höfninni komust i land á öðru siglu-
trénu undir morgun. Skiftu þeir sér
þegar og fóru að Jeita bæja. Fjórir þeirra
fundust af mönnum frá Flateyri, er
voru á leið til Súgandafjarðar. Voru
þeir allir lifandi, en tveir mjög illa
haldnir. Súgfirðingar leituðu einnig að
hinum þremur, og fundust þeir nálægt
Stað, tveir látnir en hinn þriðji með
lífsmarki, og lést hann stuttu siðar.
Skipið hafði alt liðast í sundur, og
hafa 8 lik fundist af þeim 9 sem drukn-
uðu.
Áður hafði skipið fengið mikið áfall á
Húnaflóa, bafði káetukappinn losnað og
skipið fylst af sjó.
Mennirnir sem fórust hétu:
Mikael Guðmundsson skipstjórinn,
Stefán Ásgrímsson vjelamaður, Stefán
Jóhannsson, Ásgeir Sigurðsson og Bene-
dikt Jónsson, allir af Akureyri. Af Siglu-
firði voru 2: Bjarni Emilsson og Gunnar
Sigfússon. Úr Eyjafirði voru Tryggvi
Kristjánsson frá Skeiði i Svarfaðardal,
Þorsteinn Jónsson frá Grímsnesi, Sæ-
mundur Friðriksson úr Glerárhverfi,
Jóhannes Jóhannesson frá Kúgili og
Sigurður t’orkelsson.
Skipstjórinn, Mikael Guðmundsson,
var ættaður úr Hrísey á Eyjafirði, en
var nú búsettur á Akureyri, mun hafa
verið maður tæplega fertugur. Hann
byrjaði kornungur sjómensku og hafði
stundað hana að mestu alla æfi. Var
hann hinn duglegasti og bezti sjómaður,
gætinn og aflasæll. Hann lætur eftir sig
unga konu og 3 börn, öll mjög ung.
S k i p s k a ð i.
Hinn 17. apríl kl. 4—5 fór mótorbát-
urinn »Atli« frá Stokkseyri vestur í
Hafnarforir að vitja um net. Sjó brim-
aði afskaplega og snögglega á meðan.
Rétt fyrir hádegisbilið kom báturinn að
Stokkseyrarsundi, lá þar til lags um
tima, eins og venjulegt er, þegar mikið
brim er, lagði síðan á sundið og fórst
yst á sundinu, á boða þeim er Skotur
(eða Skjótur) nefnist.
Formaðurinn var hinn ungi og efni-
legi sjósóknari Bjarni Sturlaugsson frá
Starkaðarhúsum, ekkjumaður um þritugt
og átti hann eitt barn. Hásetar voru:
Einar Gíslason, bóndi frá Borgarholti,
alkunnur dugnaðar formaður þar eystra;
hann mun hafa verið á sextugs aldri og
átt uppkomin börn. Þorvarður Jónsson,
sonur Jóns kaupmanns Jónassonar á
Stokkseyri, mjög efnilegur piltur, nálægt
tvítugu. Þorkell Þorkelsson frá Móhús-
um, sonur Þorkels sál. Magnússonar,
sem lengi var talinn meðal mestu fiski-
manna og sjósóknara þar eystra, og
druknaði þar fyrir nokkrum árum.
Guðmundur Gíslason frá Brattholtshjá-
leigu, Markús Jónsson frá Útgörðum
(ættaður úr Rangárvallasýslu) og Guðni
Guðmundsson frá Móhúsum, ættaður af
Rangárvöllum (Oddahverfi).
Er að þessum mönnum, sem flestir
voru ungir og atorkusamir menn, hinn
mesti mannskaði.