Skinfaxi - 01.02.2009, Page 8

8 SKINFAXI – tímarit Ungmennafélags Íslands
Frá landsmótsnefnd
Við, sem stöndum að undirbúningi og
framkvæmd Landsmótsins, munum
leggja okkur fram um að gera mótið í
sumar sem veglegast og að það verði
öllum þátttakendum og gestum eftir-
minnilegt.
Undirbúningur er í fullum gangi fyrir
mótið og þrátt fyrir þær efnahagslegu
hamfarir sem þjóðin hefur gengið í gegn-
um, hefur ekkert verið og verður ekkert
slakað á í að gera Landsmótið sem glæsi-
legast.
Við væntum góðrar þátttöku í mótinu,
enda má fullyrða að ef einhvern tíma er
nauðsynlegt að slá skjaldborg um þau
gildi sem ungmennafélaga- og íþrótta-
hreyfingin í landinu stendur fyrir, þá er
það einmitt núna.
Við viljum beina því til ykkar, sem eruð
í forsvari fyrir ungmenna- og íþróttasam-
bönd, að leggja ykkar af mörkum í að
hvetja ykkar fólk til þátttöku í Landsmót-
inu. Góð og almenn þátttaka í greinum
Landsmótsins er að sjálfsögðu undir-
staða þess að vel takist til.
Við viljum sjá fjölmenni á Akureyri í
sumar! Við bjóðum ykkur hjartanlega
velkomin til Akureyrar í júlí og vonumst
til að Landsmótið verði öllum, keppend-
um og gestum, eftirminnilegt.
Landsmótsnefnd 26. Landsmóts UMFÍ
Landsmót UMFÍ
Tölvugerðar myndir af nýja
íþróttasvæðinu við Hamar.
Landsmót UMFÍ, það 26. í röðinni, verður haldið
á Akureyri dagana 9. til 12. júlí í sumar. Mótið
verður sögulegt því að í ár eru liðin eitt hundrað
ár frá því að fyrsta Landsmót UMFÍ var haldið á
Akureyri.
Í vetur hafa miklar framkvæmdir staðið yfir vegna uppbyggingar
íþróttamannvirkja fyrir Landsmótið á Akureyri. Myndirnar hér á
síðunni sýna stúkuna. Á neðri myndinni er horft í norður og fjær
sést Hamar, félagsheimili Íþróttafélagsins Þórs, þar sem skrifstofa
Landsmótsins er.