Skinfaxi - 01.11.2010, Blaðsíða 3

SKINFAXI – tímarit Ungmennafélags Íslands 3
Aðventan er gengin í garð og undirbún-
ingur jólahátíðarinnar er efst í hugum
margra, hátíðar sem einkennist af gleði og
kærleika og tilhlökkun til að senn verði
gamla árið kvatt og nýju ári fagnað. Ársins,
sem senn er liðið, verður minnst fyrir margra
hluta sakir, það nýja bíður okkar sem óskrif-
að blað en fullt væntinga um betri tíð.
Ungmennafélagar munu áfram vinna að
ræktun lýðs og lands þar sem áherslan verð-
ur lögð á mannrækt í tengslum við menn-
ingu, íþróttir, forvarnir, fræðslu og umhverfi.
Það er nauðsynlegt í nútímasamfélagi að
vekja fólk til umhugsunar um mikilvægi heil-
brigðs lífsstíls, fjölbreytileika þjóðfélagsins
og virðingu fyrir umhverfinu. Samvera fjöl-
skyldunnar, yngri kynslóðarinnar sem hinn-
ar eldri, er þýðingarmikil til að nýta fortíð-
ina sem best sem veganesti inn í framtíðina.
Það er okkur mikils virði að skapa vett-
vang til að efla félagsþroska einstaklinga og
samskiptahæfileika og að læra gildi þess að
starfa með öðru fólki að sameiginlegum
markmiðum. Þannig byggjum við upp
frumkvæði og styrkjum forystuhæfileika
einstaklinga.
Til framtíðar litið sé ég ungmennafélaga
stuðla að því að auka vitund fólks um að við
búum í síbreytilegu samfélagi þar sem m.a.
fjölgun fólks af erlendum uppruna er stað-
Á aðventu
Formaður UMFÍ: Helga Guðrún Guðjónsdóttir
reynd. Mikil þróun hefur orðið varðandi
tækni og aukinn þrýstingur er á um að íþrótta-
félög, æskulýðsfélög, félagsmiðstöðvar og
skólar séu í samstarfi um að skipuleggja
tómstundastarf fyrir börn og unglinga. Þess-
ar breytingar kalla á að við höldum áfram að
virkja fólk til þátttöku í félagsstarfi og sjálf-
boðaliðastarfi ásamt því að mennta fólk til
forystustarfa innan hreyfingarinnar.
Megi aðventan færa okkur öllum ljós og
frið og góðar samverustundir. Ég óska ykkur
öllum gleðilegrar jólahátíðar og þakka
fyrir gott samstarf á árinu sem er að líða.
Íslandi allt!
Helga Guðrún
Guðjónsdóttir,
formaður UMFÍ.
Ráðstefna, sem bar yfirskriftina Rödd
framtíðar, var haldin á Hilton Nordica
Hóteli í Reykjavík dagana 28.–29. október
sl. Ráðstefnan, sem var vel sótt, þótti
heppnast mjög vel. Eitt af helstu verkefn-
um Íslands á formennskuári í Norrænu
ráðherranefndinni 2009 var framkvæmd
samanburðarrannsóknar á högum, líðan
og lífsstíl meðal norrænna ungmenna,
16–19 ára. Rannsóknin var gerð á öllum
Norðurlöndunum, þ.m.t. Færeyjum,
Grænlandi og Álandseyjum.
Það var mennta- og menningarmála-
ráðuneytið sem stóð fyrir ráðstefnunni
þar sem niðurstöður rannsóknarinnar
voru kynntar. Kynningu á niðurstöðunum
var fylgt eftir með fyrirlestrum og mál-
stofum þar sem stjórnmálamenn, fræði-
menn og aðrir, sem tengjast ungu fólki,
fjölluðu um hvernig á að halda áfram að
vinna að framkvæmd núverandi stefnu
og hvernig hægt er að auðvelda aukna
samvirkni milli stefnu og aðgerða Norður-
landa í málefnum ungmenna.
Ráðstefnan Rödd framtíðar fór fram í Reykjavík:
Norðurlöndin
ættu að vera
besti staður
í heimi fyrir
ungt fólk
Á ráðstefnunni voru settar fram hugmynd-
ir um áframhaldandi vinnu við framkvæmd
núverandi stefnu í æskulýðsmálum innan
norrænu ráðherranefndarinnar, í átt að því
markmiði að Norðurlöndin ættu að vera
besti staður í heimi fyrir ungt fólk.
Rannsóknir og greining sá um rannsókn-
irnar, úrvinnsluna og kynninguna á þessari
átta landa rannsókn. Mennta- og menningar-
málaráðuneytið sá um framkvæmd ráð-
stefnunnar.
Lýsandi mynd af aldurs-
hópnum 16–19 ára
„Nú er komin lýsandi mynd af aldurhópn-
um 16–19 ára á öllum Norðurlöndunum auk
sjálfstjórnarsvæðanna Færeyja, Grænlands
og Álandseyja. Þetta er hinn svokallaði milli-
bilsaldur en rannsókn á þessum hópi hefur
aldrei verið gerð áður á Norðurlöndunum.
Það eitt og sér að fá þessa mynd og sjá bæði
það sem er líkt og það sem er ólíkt með ung-
mennum landanna er mjög mikilvægt fyrir
þá sem vinna með málaflokka þessa
aldurshóps í löndunum. Síðast en ekki
síst er að sú skýrsla, sem við unnum upp
úr gögnunum núna, er bara byrjunar-
skref. Við vinnum eina skýrslu til að sýna
ákveðna hluti, vekja forvitni og annað
slíkt. Við birtum þar auki 510 töflur, sem
ekki eru í skýrslunni, og nú er hægt að
vinna ofsalega mikið upp úr þessu efni.
Það var farið í alla efnisflokka sem allar
þjóðirnar vildu að yrðu skoðaðir. Má þar
nefna nám, líðan, heilsu, vímuefni, frí-
stundaiðkun og tölvunotkun, svo að
eitthvað sé nefnt. Það sem stendur upp
úr er ógrynni af upplýsingum og skýrsla
sem allir eru ánægðir með. Við erum í
raun komnin í fyrsta skipti með mynd af
þessum hópi sem ekki eru börn og ekki
fullorðnir og fáum að auki samanburð á
milli landanna. Fólk verður að skoða
skýrsluna og þá sérstaklega viðaukann
því að hann er mjög ítarlegur,“ sagði Jón
Sigfússon, framkvæmdastjóri Rann-
sóknar og greiningar, í spjalli við Skinfaxa.
Frá ráðstefnunni
Rödd framtíðar.
Á myndinni
má sjá Erlend
Kristjánsson,
deildarstjóra í
mennta- og
menningarmála-
ráðuneytinu,
Helgu Guðrúnu
Guðjónsdóttur,
formann UMFÍ,
og Önnu Möller,
forstöðumann
Evrópu unga
fólksins.