Skinfaxi - 01.11.2010, Blaðsíða 28

28 SKINFAXI – tímarit Ungmennafélags Íslands
Dvöl í íþróttalýðháskóla
er mikil upplifun
Ungmennafélag Íslands er í samstarfi
við sjö íþróttalýðháskóla í Danmörku.
Samstarf þetta hefur varað í nokkur ár
og hefur UMFÍ styrkt mikinn fjölda ung-
menna til dvalar í skólunum.
Dvöl í íþróttalýðháskólunum er afar
skemmtilegur kostur. Ungmenni, sem
þangað fara, eiga möguleika á að læra
tungumálið enn frekar, kynnast nýjum vin-
um og æfa íþróttir við frábærar aðstæður.
Metnaður skólanna er mikill og kennararnir
eru einstaklega góðir. Lífið í skólunum er
afskaplega fjölbreytt og þar geta allir fund-
ið eitthvað við sitt hæfi. Skólarnir bjóða upp
á þjálfararéttindi í flestum íþróttagreinum,
farið er í námsferðir til annarra landa svo
sem skíðaferðir og margt fleira.
Kostur er á að stunda nám í skólunum
mismunandi lengi. Hægt er að fara út að
hausti og koma heim fyrir jól. Einnig er hægt
að fara út í janúar og koma heim að vori,
svo eitthvað sé nefnt.
Margir fara í lýðháskóla
eftir stúdentspróf
„Það er töluverð aukning í skólunum í
vetur eftir nokkra lægð sem varð í kjölfar
efnahagskreppunnar. Nemendur, sem fara
héðan til náms, eru mjög ánægðir með
skólavistina ytra. Það er töluvert um að
krakkar fari til náms þegar stúdentsprófi
lýkur, áður ákvörðun um frekara framhalds-
nám liggur fyrir. Dvöl í íþróttalýðháskóla í
Danmörku er mikil upplifun,“ segir Ómar
Bragi Stefánsson, landsfulltrúi hjá UMFÍ, í
samtali við Skinfaxa.
Skólarnir sjö eru víðs vegar um landið og
námsframboð þeirra er afar fjölbreytt.
Þeir eru: Idrætshøjskolen i Sønderborg,
Gymnastikhøjskolen i Ollerup, Gerlev Idræts-
højskole, Idrætshøjskolen Århus, Gymnas-
tik- og Idrætshøjskolen ved Viborg, Nord-
jyllands Idrætshøjskole og Idrætshøjskolen
Bosei.
Frekari upplýsingar um skólana má finna
á heimasíðunni umfi.is.
Efst til vinstri:
Idrætshøjskolen
Bosei.
Efst til hægri:
Gerlev Idræts-
højskole.
Til vinstri: Frá
Viborg.
Til hægri: Nord-
jyllands Idræts-
højskole.
Neðst til hægri:
Frá Sønderborg.