Skinfaxi - 01.11.2010, Blaðsíða 39

SKINFAXI – tímarit Ungmennafélags Íslands 39
Gríðarlega góð þátttaka var í almennings-
íþróttaverkefnum UMFÍ í sumar. Verðlauna-
afhending fór fram í þjónustumiðstöð Ung-
mennafélags Íslands 3. desember sl. Voru
þá verðlaunaðir þátttakendur í verkefninu
Hættu að hanga! Komdu að synda, hjóla eða
ganga! og Fjölskyldan á fjallið.
Einstaklingar, sem dregnir voru út fyrir
að hafa hreyft sig 30 daga, 60 daga og 80
daga, fengu viðurkenningar. Einn einstakl-
ingur var dreginn út sem hafði hreyft sig í
103 daga. Einnig fengu hópar, sem hreyfðu
sig í flesta daga og gengu á flest fjöll, viður-
kenningar.
Þeir einstaklingar sem gengu á flest fjöll
voru Birna Steingrímsdóttir, 62 fjöll, Elín-
borg Kristinsdóttir, 58 fjöll, og Sigríður Bára
Einarsdóttir 55 fjöll. Aldís Anna Tryggvadótt-
ir og Katrín Guðrún Pálsdóttir fengu viður-
kenningu fyrir að hafa hreyft sig í 30 daga.
Ingibjörg Eggertsdóttir og Anna Filbert fyrir
60 daga og Kristjana Sigmundsdóttir og
Heiða Rúnarsdóttir fyrir 80 daga. Rósa Jóns-
dóttir fékk viðurkenningu fyrir 103 daga.
Hópar, sem hreyfðu sig mest, voru Hóla-
brekkuskóli í 505 daga, Maritech í 270 daga
og Garpar í 260 daga. Hópar, sem gengu á
flest fjöll, voru Maritech og Garparnir sem
gengu á 20 fjöll og Gréturnar sem gengu á
19 fjöll.
Í verkefninu Fjölskyldan á fjallið rituðu
um 15 þúsund manns nöfn sín í gestabæk-
ur sem voru á 24 fjöllum. Flest þessara fjalla
eiga það sameiginlegt að vera tiltölulega
létt að ganga á. Markmiðið er að fá fjöl-
skyldur í létta fjallgönguferð og stuðla
þannig að aukinni samveru, útivist og um
leið líkamsrækt innan fjölskyldunnar. Göngu-
garpar voru hvattir til að skrifa nöfn sín í
gestabækurnar á fjöllum. Á hverju hausti er
síðan dregið úr hópi þátttakenda og hljóta
hinir heppnu sérstök verðlaun. Í ár voru
fimm nöfn dregin út og hljóta þeir verðlaun
frá UMFÍ.
Verðlaunahafar fyrir Fjölskyldan á fjallið
voru Ragnhildur Sara Arnarsdóttir, Ingunn
Lilja Arnórsdóttir, Guðjón Halldórsson, Helga
Gísladóttir og Aldís Þyrí Pálsdóttir.
Verkefnið heldur áfram næsta sumar og
verður nánar auglýst þegar nær dregur.
Gestabækur verða áfram á fjöllum og ef til
vill bætast fleiri fjöll við þau sem fyrir eru.
Ungmennafélag Íslands þakkar öllum sem
tóku þátt í verkefninu og vonast til að sjá
sem flesta taka þátt í verkefnum UMFÍ á
næsta ári.
ALMENNINGSÍÞRÓTTIR
Hættu að hanga! Komdu að synda, hjóla eða ganga:
Viðurkenningar veittar fyrir þátttöku í verkefninu
1. mynd: Verðlaunahafarnir sem tóku þátt í
verkefnunum, Hættu að hanga! Komdu að
hjóla, synda eða ganga og Fjölskyldan á fjallið.
2. mynd: Hópar sem gengu á flest fjöll.
Maritech í 1.-2. sæti, Garpar í 1. -2. sæti og
Gréturnar í 3. sæti.
3. mynd: Einstaklingar sem hreyfðu sig í 30,
60 eða 80 daga. Einn þátttakandi hreyfði sig í
103 daga. Frá vinstri Heiða Rúnarsdóttir,
Kristjana Sigmundsdóttir, Ingibjörg Eggerts-
dóttir og Rósa Jónsdóttir. Á myndina vantar
Önnu Filbert, Kristínu Guðrúnu Pálsdóttur og
Aldísi Örnu Tryggvadóttur.
4. mynd. Guðjón Halldórsson gekk á Þyril sem
UMSB tilnefndi í verkefninu Fjölskyldan á
fjallið. Á myndina vantar Ragnhildi Söru Arnar-
dóttur, en hún gekk á Úlfarsfell fyrir UMSK, Ing-
unni Lilju Arnórsdóttur, sem gekk á Miðfell fyrir
HSK, Helgu Gísladóttur, sem gekk á Geirseyrar-
múla fyrir HHF, og Aldísi Þyrí Pálsdóttur, UFA,
en hún gekk Þingmannaveg yfir Vaðlaheiði.
5. mynd: Einstaklingar sem gengu á flest fjöll.
Frá vinstri: Birna Steingrímsdóttir, 62 fjöll,
Elínborg Kristinsdóttir, 58 fjöll, og Sigríður Bára
Einarsdóttir sem gekk á 55 fjöll.
6. mynd: Hópar sem hreyfðu sig flesta daga.
Í 1. sæti Hólabrekkuskóli, í 2. sæti Maritech og
í 3. sæti Garpar.
1. mynd 2. mynd
3. mynd 4. mynd
5. mynd 6. mynd