Skinfaxi - 01.11.2010, Blaðsíða 32

32 SKINFAXI – tímarit Ungmennafélags Íslands
Ungmenna- og tómstundabúðirnar á Laugum:
Ungmenna- og tómstundabúðirnar
að Laugum eru fyrir nemendur í 9. bekk
grunnskóla. Búðirnar hafa verið starf-
ræktar frá því í ársbyrjun 2005. Nemend-
um í búðunum fjölgaði jafnt og þétt með
hverju árinu en nokkur breyting varð á
þátttöku skóla 2009. Strax um áramótin
fóru skólar að afbóka vegna efnahags-
ástandsins og reglugerðar um að foreldr-
ar mættu ekki greiða fyrir skólaferðalög.
Skólarnir höfðu ekki efni á því að senda
nemendur í ungmennabúðirnar vegna
niðurskurðar.
Um það bil eitt þúsund nemendur
sóttu ungmennabúðirnar þetta árið
saman borið við tvö þúsund árið áður. Í
ár hefur þátttakendum fjölgað umtals-
vert en að sögn Önnu Margrétar Tómas-
dóttur, forstöðumanns ungmennabúð-
anna, eru skráningar á þessu vetri um
1800 talsins.
Fjórar meginstoðir ungmennabúð-
anna eru menning, útivist, hreyfing og
félagsfærni. Öll verkefni í ungmenna-
búðunum tengjast þessum fjórum megin-
stoðum á einhvern hátt.
Markmið ungmennabúðanna er að
unglingarnir öðlist færni í umræðu um
þau mál sem brenna á þeim hverju sinni,
læri tillitssemi, umburðarlyndi og ábyrgð.
Margt skemmtilegt er gert í búðunum,
innan og utan dyra og er dvölin byggð
upp með leikjum, rökræðum, hópefli,
reynslunámi og samstarfi.
„Það hefur gengið sérlega vel í vetur
og mikil aukning frá árinu 2009. Krakk-
arnir vilja upplifa eitthvað í dag og kom-
ast í annað umhverfi. Foreldrar ungl-
inganna standa mikið fyrir því að krakk-
arnir komist þrátt fyrir þrengingar í
þjóðfélaginu. Það eru núna komnar um
1800 skráningar í vetur og aldrei að vita
nema fleiri eigi eftir að bætast við.
Vorönnin er þéttsetin,“ sagði Anna
Margrét í samtali við Skinfaxa.
Það skiptir
krakkana
miklu máli
að komast
hingað
Hún sagði dagskrá búðanna svipaða
frá ári til árs. Alltaf er samt verið að
betrumbæta dagskrána og hafa hana
áhugaverða fyrir krakkana.
„Þessar búðir eiga mikla framtíð fyrir
sér og þær hafa nú þegar tryggt sig í
sessi. Það vita orðið allir af okkur og það
stefnir í að færri komist að en vilja.
Það er endalausar fyrirspurnir í gangi,“
sagði Anna Margrét sem hefur verið
forstöðumaður í búðunum í fimm ár.
Hún sagði það afar ánægjulegt að sjá
hvað krakkarnir væru ánægðir í búðun-
um. Dvöl í búðunum lifir lengi í endur-
minningunni og það virðist skipta þau
orðið miklu máli að komast þangað.