Skinfaxi - 01.11.2010, Blaðsíða 4

4 SKINFAXI – tímarit Ungmennafélags Íslands
12. nóvember sl. hélt UÍA í
samstarfi við Fjarðabyggð og
mennta- og menningarmála-
ráðuneytið málþingið Þátttaka
er lífsstíll – Ungt fólk á Austur-
landi.
Um 60 manns sóttu málþingið sem fram
fór í húsnæði heimavistar Verkmenntaskóla
Austurlands í Neskaupstað. Markmið mál-
þingsins var að vekja ungt fólk til umhugs-
unar um mikilvægi þess að taka virkan þátt
í samfélagi sínu svo og að vera nokkurs
konar brúarsmíð milli ungs fólks og þeirra
Magnað málþing í Neskaupsstað
sem ákvarðanir taka um málefni þess. Dag-
skrá málþingsins tók mið af þessu og var
því fjölbreytt.
Andri Bergmann tónlistarmaður hóf leik-
inn og sagði frá því hversu dýrmæt þátt-
taka hans jafnt í íþrótta- sem og tónlistar-
starfi hefði reynst honum. Greip hann í
gítarinn af því tilefni og tók nokkur lög.
Björn Hafþór Guðmundsson ræddi um
hlutverk sveitarfélaga og þátt þeirra í að
skapa blómlegt æskulýðsstarf og viðhalda
því. Jóhann Atli Hafliðason úr Menntaskólan-
um á Egilsstöðum og Karítas Ósk Valgeirs-
dóttir úr Verkmenntaskóla Austurlands
héldu erindi undir yfirskriftinni „Hvernig er
að vera ungur á Austurlandi?“ Þóroddur
Helgason frá glímudeild Vals sagði frá
hvernig virkja mætti ungt fólk til þátttöku
og Hjörtur Ágústsson, kynningarfulltrúi
Evrópu unga fólksins, kynnti starfsemi EUF
og þá styrki sem þangað má sækja.
Eftir að málþingsgestir höfðu gætt sér á
veitingum og brugðið á leik með ung-
mennaráði UÍA tóku þeir þátt í vinnusmiðj-
um þar sem rætt var um stöðu ungs fólks á
Austurlandi út frá ýmsum sjónarhornum.
Afar ánægjulegt var að sjá hve virkan
þátt unga fólkið tók í umræðum og hversu
margar góðar hugmyndir fæddust. Þegar á
allt er litið má segja að málþingsgestir hafi
komist að þeirri niðurstöðu að gott væri að
vera ungur á Austurlandi og að margs kon-
ar æskulýðs- og íþróttastarf væri hér í boði.
Þegar rætt var um það sem ungmennin
vildu gjarnan sjá öðruvísi var bent á að
gaman væri að hafa bíó í föstum rekstri,
margir söknuðu þess að hafa ekki öflugt
handboltastarf hér eystra svo og bardaga-
íþróttir.
Einnig benti unga fólkið á að mikilvægt
væri að halda oftar vímuefnalausar skemmt-
anir þar sem unglingum af öllu Austurlandi
gæfist kostur á að koma saman, mjög gjarn-
an mætti hafa það með öðrum hætti en að
halda böll, en á þeim gæfist lítið næði til að
spjalla og kynnast. Gott væri t.d. að bjóða
upp á íþróttasamkomur þar sem keppni
væri ekki aðalatriðið heldur að allir gætu
verið með, óháð getu. Gamli hrepparígur-
inn var tekinn til umræðu og benti unga
fólkið á að hann gæti hamlað samstarfi og
samskiptum milli staða og svæða á Austur-
landi og væri það miður. Aukin heldur að
vegalengdir og takmarkaðar almennings-
samgöngur gerðu ungu fólki erfitt fyrir að
halda tengslum milli svæða.
UÍA vill koma á framfæri þakklæti til sam-
starfsaðila sinna hjá Fjarðabyggð og þakka
mennta- og menningarmálaráðuneyti kær-
lega fyrir gott samstarf sem og öllum sem
hönd lögðu á plóginn við skipulagningu og
framkvæmd málþingsins. Síðast en ekki síst
eru sendar þakkir til ungs fólks á Austur-
landi fyrir skemmtilegt og árangursríkt mál-
þing.
Þátttaka er lífsstíll
Ungt fólk á Austurlandi
Karitas Ósk Valgeirs-
dóttir hélt erindi
undir yfirskriftinni
„Að vera ungur á
Austurlandi 2010“.
Andri Bergmann
tónlistarmaður og
fótboltakappi hélt
erindið „Hvað öðlast
ég með þátttöku?“
Svipmynd af
þátttakendum
á málþinginu.