Ægir - 01.01.1989, Síða 30
22
ÆGIR
1/89
berra fyrirtækja sem nú eru látin
safna skuldum. Nokkru seinna
eru svo peningarnir búnir sem
notaðir eru til þess að greiða úr
Verðjöfnunarsjóði til frystingar-
innar.
Tíminn einn leiðir í Ijós hvort
ríkisstjórnin þolir að atvinnuleysi
aukist. Það er kannski hollt fyrir
ríkisstjórnina en ekki fyrir
atvinnulífið. Ég hef samt þá trú
að gengið hljóti að verða að láta
undan mjög fljótlega og ekki
seinna en um áramótin.
Staðreyndin er sú að aðlögun
að samdrætti með þeim hætti
sem nú er gert, þ.e. með því að
kippa rekstrargrundvelli undan
útflutningsgreinunum, skapa
atvinnuleysi, halda áfram að
safna skuldum erlendis og hækka
skatta í stað þess að gera átak í
lækkun ríkisútgjalda, kemur
niður á öllu efnahagslífinu. Sam-
drátturinn verður mun tilfinnan-
legri en ella og erfiðara að ná sér
upp úr honum. Réttlætingin virð-
ist vera að verðbólga og vextir
náist niður, en það er einungis
stundarfyrirbrigði þar sem orsök
verðbólgunnar, innstreymi er-
lends lánsfjár fyrir forgöngu hins
opinbera, er enn til staðar og mis-
vægi niilli atvinnugreina hefur
ekki verið eytt. Verðbólgan mun
því vaxa á nýjan leik.
Mun skynsamlegra væri að
horfast í augu við vandann, fella
gengið eins og þarf og gera
nauðsynlegar ráðstafanir til þess
að láta gengisfellinguna halda.
Ráðamenn þjóðarinnar verða að
hætta að spyrja sjálfa sig að því
hvað verður í sjónvarpsfréttum í
kvöld eða blöðunum á morgun
heldur velta því fyrir sér hvar
menn ætla að standa eftir sex
mánuði eða eitt ár.
Veruleg fjölgun smábáta
í yfirliti yfir fjölda og rúmlesta-
tölur skipa frá 1. desember 1988,
kemur í Ijós, að sem fyrr er lang-
mestur fjöldi báta undir 100 brúttó-
rúmlestum að stærð og hefur
þeim fjölgað verulega undanfarin
tvö ár. Sé borið saman við tölur
tveggja síðustu ára má sjá að
þeim bátum hefur fjölgað um 122
eða 61 á hvoru árinu. í yfirlitinu
árið 1986 eru þeir 491, ári síðar
552 og núna 613. Umfang þeirra
hefur aukist um rúmar 1000 rúm-
lestir á þessum tveimur árum, úr
12.188 rúmlestum árið 1986, í
13.210 rúmlestir 1988. Hafa ber
í huga að hér er nánast einungis
um að ræða báta undir 10 brúttó-
rúmlestum.
Frá 1987 hefur bátum yfir 100
brúttórúmlestir fækkað um þrjá,
úr 227 í 224 og skuttogurum
fjölgað um sjö, úr 108 í 115.
Þarna kemur tvennt til, annars
vegar að þessir þrír bátar eru nú
skráðir sem skuttogarar, svo og I togara sem nýir hafa leyst af
að ekki er búið að afskrá eldri I hólmi.
Yfirlit yfir fjölda og
rúmlestatölur skipa 1. desember 1988
UndirlOObrl. lOObrl. ogyfir Samtals
Fj. Rúml. Fj. Rúml. Fj. Rúml.
Vélbátar 613 13.210 224 50.948 837 64.158
Skuttogarar - - 115 55.454 115 55.454
Rannsóknaskip 2 90 4 1.535 6 1.625
Hvalveiðiskip - - 4 1.953 4 1.953
Ferja 5 160 4 2.364 9 2.524
Vöruflutn.skip - - 34 63.187 34 63.187
Varðskip - - 4 3.045 4 3.045
Björgunrskip 2 31 2 783 4 814
Olíuskip 3 137 3 2.777 6 2.914
Dráttarbátar 6 210 2 289 8 499
Dýpkunarskip .. 3 131 2 424 5 555
Dæluskip 3 67 2 1.947 5 2.014
Hafnsögubátar 8 133 - - 8 133
Tollbátur 1 23 — — 1 23
Vinnubátar 5 52 — - 5 52
Skemmtibátar 7 53 - - 7 53
Prammar 2 74 2 804 4 878
Samtals 660 14.371 402 185.510 1.062 199.881