Ægir - 01.01.1989, Side 58

50
ÆGIR
1/89
REYTINGUR
Veiðir bæði rækju og humar
Tækniframfarir eru gífurlegar í
sjávarútvegi um þessar mundir.
Ný og æ fullkomnari skip og bátar
sigla og veiða á heimshöfunum,
búin ótrúlega nákvæmum og
flóknum tækjabúnaði og endur-
bættum og afkastameiri veiðarfær-
um. Enda heimsaflinn aukist um
20 milljón tonn á tíu árum.
Mauna Kea heitir skip nokkurt
sem gert er út frá Hawaii. Þetta
skip er einstakt fyrir það, að það er
hannað með það fyrir augum að
veiða og vinna um borð bæði
rækju og humar. Upphaflega var
þetta 50.6 metra langa skip byggt
til að sinna minniháttar olíuflutn-
ingum, en var nánast endurbyggt
til að geta borið rækju og humar-
gildrur, svo og að frysta aflann.
Nýja gildrur eru komnar á
markað og getur Mauna Kea borið
2000 slíkar og er hægt að leggja
þær allar og taka upp daglega.
Gildrurnar eru úr plasti og eru
mun fyrirferðarminni og meðfæri-
legri en eldri gerðir, eins og hinir
hefðbundnu víragildrur sem hafa
verið mikið notaðar hingað til.
Þegar gildrurnar eru lagðar, eru
notaðar tveggja mílna langar línur
og eftir þeim liggja gildrurnar með
120 feta millibili. Reynslan virðist
sýna að gildrur þessar veiði að
jafnaði þrisvar til fjórum sinnum
meira magn en víra-gildrurnar.
Rækjuna veiðir Mauna Kea á
200-400 faðma dýpi, en humar-
inn á 10-100 föðmum undan
ströndum Hawaii. Mauna Kea
getur verið allt að 75 til 90 daga í
hverri veiðiferð, enda rúmast gíf-
urlegt magn af frosinni og pakk-
aðri vöru, tilbúinni til að fara á
markað um leið og í land er komið
vegna þeirra breytinga sem gerðar
voru á skipinu.
Það fer minna fyrir nýju gildrunum.
mSmlS,
Cildra af hinni nýju gerð.
Mauna Kea með 2000 gildrur um borð.
Hugmyndir Norðmanna
um þjóðgarð í sjó
í Norinform kemur fram, að
uppi eru raddir í Noregi um að
loka ákveðnu svæði sjávar sem
þjóðgarði. Svæðið sem um er rætt
er Hustavika, flóinn úti af Molde
og Kristiansund. í flóanum eru
hrygningarsvæði ýmissa fiskteg-
unda og mikið og sérstætt sjávar-
líf. Jafna nienn því við það sem er
að finna í Karabíska hafinu,
Rauðahafi og við Maldíveeyjar í
Indlandshafi. Þarna er m.a. að
finna sjávardýr, eins og hafál,
steinbít, skötusel, hrognkelsi og
humar, auk stærri tegunda svo
sem beinhákarl og háhyrninga og
ýmsar aðrar hvalategundir. Þá er á
svæðinu mikið og fjölbreytt fugla-
líf.
Vandi getur reynst að hrinda
þessu í framkvæmt þar sem tog-
veiði er stunduð í flóanum og þarf
að leysa þau mál áður en af þessu
getur orðið.
Skaðabætur til norskra
útgerðarmanna
Norska ríkisstjórnin ætlar að
greiða útgerðarmönnum skaða-
bætur vegna taps sem þeir hafa
orðið fyrir út frá olíuborpöllum,
segir í Fishing News frá 13. janú-
ar. Skaðabæturnar eru greiddar
fyrir töpuð fiskimið vegna stað-
setningar borpallanna, svo og fyrir
veiðarfæri sem hafa orðið fyrir
skemmdum eða eyðilagst vegna
þeirrar starfsemi sem þar fer fram.
Bæturnar eru afturvirkar til ársins
1985, eða frá því að núverandi
reglugerð um olívinnslu tók gildi.