Tímarit lögfræðinga - 01.12.1980, Qupperneq 58

á landi. Stjórn félagsins leggur á það höfuðáherslu, að félagið beiti afli sínu
til framdráttar hugmyndinni um dómhús í Reykjavík, sem þolir ekki bið.
Stjórn félagsins telur, að stefna beri að hraðari úrlausnum dómsmála, og
sé þó alls réttaröryggis gætt. í því skyni þarf að bæta vinnuaðstöðu dómara
og fjölga dómurum og lögfesta ýmsar endurbætur á réttarfarslöggjöf og er
vissulega höfuðnauðsyn á því, að skipan dómstóla sé ráðið til lykta án tafar.
Stjórn félagsins er þeirrar skoðunar, að eðlilegt sé að hefjast handa um
nánari samvinnu dómara og lögmanna, þ.á m. með námskeiðum fyrir þessa
tvo flokka lögfræðinga um ýmis mál, er hljóta að koma upp í samstarfi þeirra.
Hefur stjórn félagsins rætt mál þetta við fulltrúa Lögmannafélagsins.
Stjórn félagsins telur æskilegt, að unnt sé að koma á framfæri við félags-
menn upplýsingum um stefnumarkandi dóma, sem kveðnir eru upp í héraðs-
dómstólum og Hæstarétti, fljótlega eftir að þeir ganga, en það mál þarf
mikils undirbúnings og hyggja þarf að fjárhagsgrundvelli þess. Raunar væri
æskilegt, að auka tengsl með félaginu og félagsmönnum, t.d. með útgáfu
félagsblaðs.
XI. FERTUGSAFMÆLI D.i.
Á næsta ári verður D.i. fertugt. Stjórn félagsins hefur rætt almennt, að sjálf-
sagt sé að minnast þess með nokkrum hætti, þ.á m. með því að kannaðir
verði möguleikar á að rita drög til sögu félagsins, svo og með því að haldið
verði sérstakt málþing eða námskeið sem vandað verði til og tengdist
þróun dómstóla og réttarfars síðustu áratugi. Þar sem þetta mál kemur fyrst
og fremst í hlut stjórnar þeirrar, sem kjörin verður á aðalfundi 1980, þykir
ekki rétt að ræða það frekar hér.
Stjórn félagsins notar þetta tækifæri til að þakka félagsmönnum ánægju-
legt samstarf á liðnu starfsári og jafnframt árnar stjórnin þeim allra heilla í
mikilvægum störfum þeirra í þágu lands og lýðs.
13. nóvember 1980.
Ármann Snævarr.
AÐALFUNDUR DÓMARAFÉLAGS ÍSLANDS 1980
Aðalfundur Dómarafélags íslands 1980 var haldinn dagana 13. og 14.
nóvember s.l. í Tollhúsinu í Reykjavík. Tveir erlendir gestir sátu fundinn,
þeir dr. Curt Olsson forseti Hæstaréttar Finnlands og formaður danska
dómarafélagsins, Svend Aage Christensen héraðsdómari í Ringköbing á
Jótlandi.
Formaður félagsins, dr. Ármann Snævarr hæstaréttardómari, flutti skýrslu
um starfsemina undanfarið ár. Er hún birt í heild hér í heftinu.
Upphafsfundinn sátu þeir Friðjón Þórðarson dómsmálaráðherra, Ragnar
Arnalds fjármálaráðherra, ásamt ýmsum embættismönnum ráðuneytanna, og
Þorsteinn Júlíusson hæstaréttarlögmaður, formaður Lögmannafélags íslands.
Fluttu gestirnir fundarmönnum ávörp.
Eftir hádegi fyrri daginn flutti dr. Curt Olsson forseti Hæstaréttar Finnlands
fyrirlestur um endurbætur og nýjungar í finnskri réttarfarslöggjöf á síðustu
252