Tímarit lögfræðinga - 01.12.1980, Qupperneq 62

betur undir meðferð hjá lögmanni. Við teljum, að slík starfsemi yrði mun
auðveldari í framkvæmd en tilhögun sú, sem byggt er á í frumvarpi til laga
um lögfræðiaðstoð, sem lagt var fyrir Alþingi á 102. löggjafarþingi 1979.
Þar er gert ráð fyrir svipaðri ráðgjöf (fellur einkum undir starfssvið lög-
manna, er ber heitið munnlegar álitsgerðir) og Réttarráðgjöfin annaðist, þó
að viðbættum bréfaskriftum. Fól frumvarpið í sér, að eins konar „sjúkra-
samlagskerfi" yrði komið á fót þannig að sækja mátti til dómsmálaráðu-
neytisins á sérstökum eyðublöðum um að ríkissjóður greiddi kostnað af ráð-
gjöfinni. Þetta kerfi verður óhjákvæmilega svifaseint, einkum þegar haft er
í huga, að algengasta þóknun fyrir slíka ráðgjöf er innan við 20.000 kr.
í viðtali okkar við dómsmálaráðuneytið lýstum við þessu áliti okkar. Kom
þá fram að Orator, félag laganema, hefði I hyggju að hrinda af stað ráð-
gjafarþjónustu frá haustmánuðum 1979 og að ráðuneytið teldi koma til
greina að styrkja væntanlega starfsemi félagsins. Síðar komu á fund okkar
forsvarsmenn Orators og fengu upplýsingar um starfsemi Réttarráðgjafar-
innar og sögðu frá undirbúningi Orators að því að hrinda af stað svipaðri
þjónustu, sem nú mun vera að hefjast.
F.h. Réttarráðgjafarinnar,
Atli Gíslason, lögfræðingur.
Steinþór Haraldsson, lögfræðingur.
JAFNRÉTTISRÁÐ
Með lögum nr. 78 frá 1976 um jafnrétti kvenna og karla var sett á stofn
Jafnréttisráð til að annast framkvæmd laganna.
Jafnréttisráð er skipað 5 mönnum til þriggja ára í senn, og var fyrsta
Jafnréttisráðið skipað eftirtöldum mönnum:
Guðrún Erlendsdóttir, formaður, skipuð af Hæstarétti,
Geirþrúður H. Bernhöft, skipuð af félagsmálaráðherra,
Áslaug Thorlacius, skipuð af Bandalagi starfsmanna ríkis og bæja,
Aðalheiður Bjarnfreðsdóttir, skipuð af Alþýðusambandi Islands,
Ólafur Jónsson, skipaður af Vinnuveitendasambandi íslands.
Við lok skipunartíma hins fyrsta Jafnréttisráðs gaf það út skýrslu um starf-
semina fyrir tímabilið júlí 1976 til desember 1979. í skýrslunni kemur fram,
að mest hefur borið á málum, sem snerta launamisrétti, og aðallega eru það
konur, sem hafa þurft að fá leiðréttingu mála sinna.
Jafnréttisráð hefur lagt áherslu á að ná samstarfi við skólayfirvöld og
aðila vinnumarkaðarins og hefur efnt til umræðufunda og ráðstefna í því
skyni. Þá hefur það haldið blaðamannafundi til kynningar starfsemi ráðsins.
Tilmæli Jafnréttisráðs um úrbætur vegna brota á lögunum hafa yfirleitt
verið tekin til greina, og hefur ráðið fram til þessa aðeins höfðað eitt mál
í samráði við starfsmann til viðurkenningar rétti hans. Dómur í því máli féll
í bæjarþingi Reykjavíkur 26. mars 1979, og var því áfrýjað til Hæstaréttar.
í apríl 1977 var stofnuð sérstök ráðgjafarnefnd innan Jafnréttisráðs, en
starfssvið hennar er að fylgja eftir framkvæmdaáætlun Sameinuðu þjóð-
anna, sem samþykkt var árið 1975.
256