Tímarit lögfræðinga - 01.05.1985, Blaðsíða 54
ilar, yfirtaka skipin við tilfærðu söluverði. Deilt var um það í málun-
um, hvort byggja mætti á þessu tilfærða söluverði í skattalegu tilliti,
þ.á m. sem fyrningargrunni, en á það vildi skattstjóri ekki fallast.
Hvorki varð breyting á eignaraðild né eignarhlutdeild við þessar ráð-
stafanir sameigendanna. Ríkisskattanefnd staðfesti úrskurði skatt-
stjóra í báðum málunum. 1 niðurstöðu Ríkisskattanefndar í úrskurði
nr. 25 frá 1982 segir m.a. svo: „Þegar litið er til þess, að eigendur S. s.f.
eru þeir sömu og áður áttu þær eignir, er til félagsins gengu og aðila-
skipti í reynd því eigi orðið á eignunum, svo og að virtum öðrum atvik-
um málsins, verður eigi á það fallist, að við stofnun þessa félags verði
yfirtaka eignanna að skattarétti byggð á svonefndu söluverði þeirra
við þessar ráðstafanir."
1 íslenskum skattalögum eru ekki nein ákvæði um skattlagningu
félagsaðila í sameignarfélagi við úthlutanir við félagsslit. Hins vegar
eru í 57. gr. 1. nr. 75/1981 ákvæði um skattalega meðferð, þegar slit
sameignarfélags verða vegna sameiningar þess við annað slíkt félag
eða hlutafélag eða breytingu þess í hlutafélag.
Það er auðvitað ljóst, að skapast getur skattskyldur söluhagnaður
vegna sölu á eignum sameignarfélags í tilefni af fyrirhuguðum slitum
þess. Álitaefnið er hins vegar úthlutun hreinnar eignar sameignarfélags
til eigenda við endanleg félágsslit. Um það skortir alveg ákvæði, og
ekki virðist hafa reynt á vandamál af þessu tagi, enda ekki annað vitað
en úthlutun til félagsaðila í sameignarfélagi sæti engri skattlagningu
hér á landi. Með lögum nr. 30 frá 1971 var ætlunin að taka á þessu, að
því er best verður séð, jafnt sem afhendingu verðmæta til eigenda
eignarhluta, meðan á rekstri félags stæði. Þar var tekið fram, að út-
hlutun innborgaðs stofnfjár eigenda sameignarfélags við félagsslit
teldist ekki til skattskyldra tekna þeirra. Öll önnur afhending verð-
mæta, er telja yrði sem tekjur af eignarhlutum, skyldi hins vegar
skoðast sem skattskyldur arður, ef farið væri umfram ákveðið há-
mark. Þessi ákvæði komu aldrei til framkvæmda og voru numin úr
gildi með lögum nr. 7 frá 1972.
Úttektir félagsaðila að sameignarfélagi úr félaginu skapa ekki skatt-
skyldar tekjur hjá þeim. Úttektir geta hins vegar falið í sér skatt-
skylda ráðstöfun varasjóðs, svo sem síðar verður vikið að. I 53. gr.
frumvarps þess til lága um tekjuskatt og eignarskatt, sem lagt var
fyrir Alþingi á 98. löggjafarþingi 1976, var ákvæði þess efnis, að skatt-
aðilum væri heimilt að taka út hreina eign sína í eigin rekstri eða
eignarhlutdeild sína í rekstri eða á vegum sameignarfélags án þess
að úttektin teldist þeim til skattskyldra tekna. Þá var í ákvæðinu að
48