Ægir - 01.12.1994, Blaðsíða 35

anverðu Grænlandshafi og suðvestur af íslandi og gýtur
hann vestan við Reykjaneshrygg og nær gotsvæðið langt SV
í haf. Þetta lítur þó ekki út fyrir að vera samfellt gotsvæði
heldur virðist gotið fara fram á misstórum þéttum blettum
á þessu svæði (sjá myndir 2 og 3), enda bera veiðar þess
merki.
Mynd 4: Úthafskarfi. Utbreiðsla og þéttleiki samkvæmt
bergmálsgildum í íslensk/norskum leiðangri í júní —júlf 1994.
10-20
20-30
30-50
50-70
>70
Mynd 5: Úthafskarfi.
Útbreiðsla samkvæmt
bergmálsgildum í
tslenskum leiðangri í
september 1993.
Svæði þar sem úthafskarfi stendur þétt eru breytileg, m.a.
eftir árstímum. Þannig er hann þéttastur í austan- og norð-
austanverðu Grænlandshafi seinni part vetrar og í byrjun
vors (mars-maí), þ.e. rétt fyrir got og á meðan á goti stend-
ur. Eftir gotið gengur hann suðvestur á bóginn í ætisgöngu.
í júní-júlí er hann þéttastur í vestanverðu Grænlandshafi
og að miklu leyti innan grænlensku lögsögunnar, eins og
sjá má á mynd 4 sem sýnir útbreiðsluna samkvæmt berg-
málsmælingum í leiðangri íslendinga og Norðmanna sl.
sumar (1994). í íslenskum leiðangri sem farinn var í sept-
ember (1993) kom í ljós að úthafskarfinn var farinn að
ganga austur á bóginn aftur og var orðinn þéttastur í aust-
anveröu Grænlandshafi (sjá mynd 5). Haustveiðar byrjuðu
þá lítilsháttar á úthafskarfa og voru þær teknar upp í aukn-
um mæli nú í haust (1994). Upplýsingar um útbreiðsluna
yfir vetrarmánuðina liggja ekki fyrir en niðurstöður íslenska
leiðangursins í september 1993 og sú staðreynd að veiðarn-
ar hófust í mars 1994 í norðausturhluta Grænlandshafs,
m.a. innan íslenskrar lögsögu, benda til þess að úthafskarf-
inn hafi gengið áfram til austurs og norðausturs yfir vetrar-
mánuðina. Það er því nokkuð ljóst að úthafskarfinn gengur
ÆGIR DESEMBER 1994 35