Ægir - 01.06.1995, Blaðsíða 20

Slysavarnaskóli sjómanna 10 ára
Besta afmælis-
gjöfin væri slysa-
laust ár á sjó
„Besta afmælisgjöf sem ég gæti hugsað mér er slysalaust
ár á sjó og það er eitt höfuðmarkmiðiö með starfsemi
skólans," sagði Hilmar Snorrason, skólastjóri Slysavarna-
skóla sjómanna, í samtali við Ægi.
Fyrsta námskeið skólans var haldið í húsi Slysavarnafélags-
ins 29. maí 1985 og fyrsta námskeiöið um borð í skólaskipinu
Sæbjörgu 3. júní 1986. Skólinn fagnar því tíu ára afmæli sínu
um þessar mundir.
VORPULEGIR
starfsmenn Slysavarna-
skóla sjómanna, frá
vinstri: Halldór Almarsson yfirleiöbeinandi, Halldór
Olesen vélstjóri, Hilmar Snorrason skólastjóri, Þráinn
Skúlason leiöbeinandi og Einar Örn Jónsson umsjón-
armaður.
„Það hafa tíu þúsund nemendur farið í gegnum skólann á
þessum tíu ámm. Það em nálægt því að vera þrír nemendur á
dag," sagði Hilmar Snorrason.
Slysavarnaskólinn hefur boðið upp á ýmsar gerðir nám-
skeiða fyrir byrjendur og lengra komna meðal sjómanna en
námskeið í slysavörnum fyrir smábátaeigendur, hafnastarfs-
menn og fleiri sem vinna í hættulegu umhverfi.
Öryggi allra sem vinna við sjó eða vatn er okkar mál
Á þessum tíu árum sem Slysavarnaskólinn hefur starfaö
hefur slysum á sjó fækkað lítillega í heildina en samanburður
getur verið erfiður því skráning slysa hefur batnað.
„Við höfum ótalmörg dæmi um menn sem segjast hafa
bjargast vegna þeirrar fræðslu sem þeir fengu hér í skólanum.
Þetta bendir til þess að okkar starf beri talsveröan ávöxt."
Slysavarnaskóli sjómanna hefur höfuðbækistöðvar sínar
um borð í skólaskipinu Sæbjörgu sem liggur í höfn í Reykja-
vík yfir vetrarmánuðina en ferðast um landið á sumrin og um
borð eru haldin slysavarnanámskeið. Alls hefur Sæbjörg starf-
að í 30 höfnum á landinu.
Sæbjörg var smíðuð í Aalborg Værft AS í Álaborg 1951 og
hlaut nafnið Þór við komuna til íslands og var á sínum tíma
stærsta varðskip íslendinga. Skipið tók þátt í öllum þorska-
stríðum íslendinga og hlaut margar skrokkskjóður í ásigling-
um og átökum við bresk herskip. Slysavarnafélagið eignaöist
skipið fyrir 10 árum og þegar Albert Guðmundsson, þáver-
andi fjármálaráðherra, seldi félaginu skipib fyrir 1.000 krón-
ur en þá hafði því verið lagt eftir vélarbilun.
í sumar verður Sæbjörgu siglt um landiö í áttunda sinn og
námskeið haldin í hverri viðkomuhöfn. Hilmar skólastjóri
segir að skipiö sé komib til ára sinna og þegar er farið að
kanna möguleika á endurnýjun en brýnt þykir ab Slysavama-
skólinn ráði yfir skipi sem getur siglt á öllum árstímum á hin-
ar ýmsu hafnir og býr yfir meira rými til æfinga um borð en
núverandi skip. Ferjur þykja að mörgu leyti heppilegur skipa-
kostur til þessara hluta og er nú kannað hvort ferjan Fagranes
sé fáanleg til afnota fyrir Slysavarnaskólann.
En eru íslenskir sjómenn nægilega vel menntaðir í þess-
um efnum?
„Það má aldrei sofna á verðinum. Þab þýðir ekkert að fara
á eitt námskeið og halda ab það dugi fyrir lífstíð. Mér finnst
að útgerðin eigi að gera meiri kröfur í þessum efnum. Þeir
sem gera út stór og dýr skip ættu að vera meðvitaðir um ab
öryggisfræðsla er einn þáttur í útgeröarkostnaði og þó nám-
skeiðin kosti auðvitað pening þá kosta slysin enn meira."
Öryggisnámskeiöin veröa skylda
Frá og með næstu áramótum verður öllum skipstjórnar-
mönnum skylt að hafa fariö á öryggisnámskeið í Slysavarna-
skóla sjómanna en um áramótin 1996/1997 verður það
skylda fyrir alla sjómenn. Hilmar segir eitt helsta baráttumál
Slysavamafélagsins að skírteinin verði með ákveðinn gildis-
tíma. Þannig sé hægt ab tryggja ab kunnátta sjómanna í þess-
um efnum sé alltaf ný eða nýleg.
„Við eigum aö taka flugið okkur til fyrirmyndar. Þar er ein
stefna sem er: engin slys, og við eigum aö gera sömu kröfur á
sjónum."
Hilmar segir að auk þess að fá nýtt skip sé brýnt ab fá ab-
stöðu til æfinga í reykköfun og til þess að æfa viöbrögð við
eld á sjó.
„Þetta er þáttur sem er áfátt hjá okkur og ég tel að vib get-
um auöveidlega komiö upp svona aðstöðu hér í Reykjavík
með slökkviliðinu. Svo þurfum við að eiga gáma meb svona
æfingasvæði til þess að hafa um borð í skipinu sem við getum
sett upp í hverri höfn."
Ætla Hilmar skólastjóri og hans menn að afgreiða 10 þús-
und nemendur á næstu tíu árum?
„Þetta snýst ekki um magn, væni minn. Þetta snýst um
gæði." □
20 ÆGIR