Ægir - 01.07.1996, Blaðsíða 12

Alhliða veiðarfæraþjónusta
Nótastöðin Oddi er gamalgróið fyrirtæki í netagerð, en þar á bæ
fylgjast menn vel með tímanum
„Það er sama hvaða skip það er, ef það kemur inn til Akureyrar, þá
getum við tekið á móti því og veitt því alla veiðarfæraþjónustu," sagði
Vincent Newman framkvæmdastjóri Nótastöðvarinnar Odda á Akur-
eyri í samtali við Ægi.
„Okkar þjónusta er alhliða en ég vil
sérstaklega benda á að við tökum síldar-
og loðnunætur inn í hús og geymum
fyrir okkar viðskiptavini. Við þurrkum
næturnar með heitum blæstri sem tekur
fjóra til fimm daga og geymum þær svo
skraufþurrar á dimmum og þurrum
stað. Þetta er ákaflega brýnt og stóreyk-
ur endingartíma nótanna því sólarljós
skemmir nælonið en það gerir ekki síð-
ur sá mikli hiti sem myndast í nót sem
fær að liggja blaut."
Nótastöðin Oddi á Akureyri er gam-
algróið fyrirtæki í netagerð en það var
stofnað 1953. Fyrstu árin var mikil
áhersla á þjónustu við síldarflotann,
eins og nafnið bendir til en Oddi fór
snemma að fylgjast grannt með þróun-
inni og fór að sinna þörfum togaraflot-
ans fljótlega eftir að togaraútgerð hófst
að ráði frá Akureyri á tímabilinu sem
kennt er við nýsköpun.
„í dag bjóðum öllum fiskimönnum
og útgerðarmönnum veiðarfæri, hvort
sem þeir eru að veiða í nót, net, dragnót
eða fiskitroll. Það eina sem við höfum
ekki sinnt mikið er að sauma humar-
troll en það er aðeins vegna þess að
humarveiði er ekki stunduð hér fyrir
norðan."
Nótastöðin Oddi er nú með 12 starfs-
menn í vinnu en fjöldi starfsmanna
hefur sveiflast dálítið eftir árstímum og
farið upp undir 20. Fyrirtækið hefur átt
velgengni að fagna og undanfarin sjö ár
hefur velta þess aukist stöðugt milli ára.
Markaðssvæði Odda er um Norðurland
allt með aðaláherslu á Eyjafjörð. í gegn-
um árin hefur Oddi átt mikil viðskipti
við fyrirtæki austan Akureyrar, á Þórs-
höfn, Raufarhöfn og Vopnafirði, og er
svo enn í dag.
Vincent Newman framkvœmdastjóri Odda
á Akureyri er bjartsýnn á framtíðina.
„Hér áður fyrr náði okkar markaður
alveg frá Blönduósi til Vopnafjarðar en
þetta er breytt með aukinni samkeppni
og fjölgun fyrirtækja," segir Vincent og
bendir einnig á að t.d. þurfi togarar nú
minna á þjónustu veiðarfæraverkstæða
að halda en áður. Bæði vegna þess að
mörg útgerðarfyrirtæki reka lítil verk-
stæði en ekki síður vegna þess að tækni
við togveiðar hefur fleygt fram á síðustu
árum og veiðarfæraslit minnkað mikið.
„Nú til dags láta togararnir trollið rétt
sleikja botninn og togari sem er t.d. á
grálúðuveiðum slítur tveimur undir-
byrðum á sama tíma og hann hefði slit-
ið tuttugu áður."
Helstu viðskipti Nótastöðvarinnar
eru í þjónustu við rækjuveiðiskip en sí-
fellt fleiri skip hafa sótt í rækjuveiði á
undanförnum árum og stöðugt er sótt
dýpra sem kallar á breytt veiðarfæri. Má
segja að einhverjar nýjungar hafi komið
fram í veiðarfærum undanfarin ár?
„Það er ekki hægt að tala um neinar
byltingar í netagerð. Nú nota rækjuskip
seiðaskilju sem þeir gerðu ekki áður en
veiðarfærið er í grundvallaratriðum hið
sama. Þó er það alltaf svo með flest skip
að menn láta gera smábreytingar í hvert
sinn sem veiðarfærið er endurnýjað, eft-
ir sínu höfði. Þetta er því stöðug og jöfn
framþróun."
Hjá Odda vinna fjórir lærðir neta-
gerðarmenn og tveir nemar eru á samn-
ing hjá fyrirtækinu en að sögn Vincents
er mikill áhugi meðal ungs fólks á að
læra þessa starfsgrein og hefur Oddi
þurft að vísa áhugasömum nemum frá
vegna anna.
Er samkeppni mikil og hörð milli
netaverkstæða?
„Já, hún er það. Bæði eru mörg verk-
stæði sem vilja þjónusta flotann, sem
fer heldur minnkandi, og einnig er tölu-
verð samkeppni við innflutt veiðarfæri
og veiðarfærahluta."
Vincent segir að innlend netaverk-
stæði geti mætt því verði sem boðið er
upp á á innfluttum veiðarfærum en vill
vara menn við því að horfa einungis á
verðið.
„Það er verið að bjóða hér veiðar-
færi frá Danmörku, Bretlandi og víðar.
Vinna og frágangur á þessu stenst oft
ekki samanburð við það sem krafist er
hér innanlands. Hér á landi er neta-
gerð löggilt iðngrein, sem hún er ekki
í þessum nágrannalöndum okkar, og
því stöndum við faglega miklu fram-
ar."D
1 2 ÆGIR