Ægir - 01.07.1996, Blaðsíða 11

Fiskkaup norðlenskra fiskverk-
enda í Norður-Noregi vekja
úlfúð í Noregi og norsk blöð fullyrða
að lúsarlaun í íslenskum fiskiðnaði
geri þetta kleift. Allt útlit er fyrir að
framhald verði á þessum kaupum.
íslensk skip hætta karfaveið-
um á Reykjaneshrygg enda
145 þúsund tonna kvóti íslendinga
fullveiddur. Margir verða til að gagn-
rýna áframhaldandi veiðar erlendra
skipa á svæðinu sem sagt er að hirði
lítt um veiðieftirlit og alþjóðlegar
samþykktir.
Guðbjörg ÍS er toppnum í
togaraskýrslu LÍÚ fyrir fyrstu
fjóra mánuði ársins. Aflaverðmæti
Guðbjargarinnar var 205,2 milljónir
á þessum tíma. Aflinn var alls 1.115
tonn, aðallega rækja. Með þessu má
segja að Guðbjörgin endurheimti
forystusætið eftir stutt hlé en þess
ber þó að geta að Samherji á Akur-
eyri hefur hætt að gefa upp aflaverð-
mæti skipa sinna á einstökum tíma-
bilum ársins.
Fagranesið strandar við
Æðey á ísafjarðardjúpi með
235 manns innanborðs. Engin
slasaðist eða varð meint af en skip-
ið skemmdist nokkuð á botn-
stykki. Farþegafjöldi var nokkuð
fram yfir skráðan leyfilegan fjölda
en björgunarbúnaður var um borð
fyrir alla.
Þróunarsjóður ákveður að
selja Vopnafjarðarhreppi 33%
hlut sjóðsins í útgerðar- og fisk-
vinnslufyrirtækinu Tanga á Vopna-
firði. Þessi sala tengist fyrirhugaðri
sölu Tangamanna á 20-30% hlut í
fyrirtækinu til Útgerðarfélags Akur-
eyringa sem hyggst með þessu
styrkja stöðu sína.
Mýrafell ÍS sekkur í mynni
Dýrafjarðar þar sem skipið
var við togveiðar. Fjögurra manna
áhöfn auk skipstjóra bjargast naum-
lega, þegar skipinu hvolfir mjög
snögglega, og lenda þeir allir undir
því.
HVERNIG ER VEÐRIÐ?
Veðrið hefur lengi verið íslenskum sjómönnum hugleikið og hvar sem tveir sjó-
menn hittast ber veðrið óhjákvæmilega á góma. Af því leiðir að margir hafa vald á
fjölbreyttu og margslungnu orðfæri um veðurfar og veðrabrigði. Svo hefur verið um
aldirog gaman að skyggnast í höfuðritið íslenska sjávarhætti um þetta efni. Nú verða
rakin nokkur lýsingarorð um veður á sjó samkvæmt bókinni góðu og byrjað á orðum
um logn og stillur og talið þaðan með auknum vindstyrk:
Dúnalogn, guðsbarnaveður, koppalogn, rjómalogn, svartalogn.
Gráði, gráðablær, sláttur, amrandi, slampandi, slompandahægð, dólpungsveður.
Fúðviðrisgjúga, vindgjúga, kisuvindur, gúlpgarri, goltringur, gjóla, brunagjóla, skerp-
ingsgjóla, sperrugjóla, tíkargjóla, þungagjóla, keltringur, eljari.
Kaldi, hafkaldi, gjóður, kylja, frassi, sperra, sperringur, útgjóstsvindsperringur.
Drifavindur, þaulvindur, þráslagavindur, skorpuvindur, belgingur, þræsingur.
Bræla, geljandi, gerra, hrjóstrungur, renningur, strekkingur, þéttingsvindur.
Drifhvasst, drifrok, steytingsdrif, slarkveður, rysjuveður, garri.
Rokstormur, vindsveljandi, skafningsrok, sallarok, kæfurok, rokveður, strókarok,
bál, bálveður, stólpaveður, stórgarður.
Bæjarpósturinn á Dalvík birti á dögunum afar skemmtilegan lista yfir veðurheiti af
ýmsu tagi sem sýnist að ýmsu leyti nútímalegri og birtum við hann hér í heild sinni.
Hlandsperringur-Kýrhausarok-Bláfjallablástur-Rauðmagarenningur-Fræsingur-Grá-
sleppuglamrandi-Gjóludjöfull-Bræla-Mannskaðamoldviðri-Farfuglafárviðri-Fjallaþeyr-
Flugdrekafárviðri-Sumarmálagarður-Hrafnahret-Graðhestagola-Páskagarður-Páska-
hret-Hundslappadrífa-Fardagaflanið-Hnúkaþeyr-Kónsbænadagshret-Manndrápsveð-
ur-Koppalogn-Kirkjurokið(mikla)-Kaupfélagshret-Maríuveður-Rekkjabælingarrosti.
Heimildir: íslenskir sjávarhættir eftir Lúðvík Kristjánsson.
Bæjarpósturínn á Dalvik í maí 1996.
ORÐ í HITA LEIKSINS
„Hægt er að skrifa heila doktorsritgerð um skapferli fólks úti á sjó en þar lærir mað-
ur svo sannarlega að umgangast fólk." Jónína Snorradóttir nýstúdent segir
Fréttum í Vestmannaeyjum frá reynslu sinni úr Smugunni.
„Kollan og Júlíus eru eins og árabátar við hliðina á þessum ósköpum." Kristján
Ásgeirsson útgerðarstjóri á Húsavík lýsir stærsta gámaskipi heims fyrir lesendum
Víkurbtaðsins.
„Það eru forréttindi að fá að vera trillukarl." Unnsteinn Guðmundsson trillukarl
á Höfn í viðtali við Eystrahorn.
„Maður reynir að nota stærstu og grófustu nálarnar og tvinna sem finnast, Það er
engin miskunn með það." Friðþjófur Jónsson stýrimaður á Sigurbjörgu ÓFlýsir
læknisstörfum skipstjórnarmanna fyrir Múla.
„Þetta mál er tóm vitleysa. Þorsteinn Pálsson skýtur alltaf í löppina á sér ef hann
tekur sjálfstæðar ákvarðanir." Aðalsteinn Jónsson útgerðarmaður á Eskifirði lýs-
ir skoðun sinni á smábátafrumvarpinu í viðtali við Utveg.
ÆGIR 1 1