Ægir - 01.04.1997, Page 25

Nýjar og sjaldséðar
fisktegundir árið 1996
Árið 1996 barst fjöldi sjaldséðra fiska til
Hafrannsóknastofnunar. Flestir þeirra
voru veiddir innan 200 sjómílna
markanna við ísland en nokkrir voru
veiddir djúpt suður af Reykjanesi, við
og rétt utan 200 sjómílna línunnar.
Einnig fengust nokkrir fiskar af Flæm-
ingjagrunni við Nýfundnaland, út-
hafskarfaslóðinni suðaustur af Hvarfi
við Grænland og úr Smugunni. Á með-
al fiska af íslandsmiðum voru tveir
beinfiskar, þ.e. deplagleypir, (Pseu-
doscopelus altipinnis) og svartdjöfull,
(Melanocetus johnsoni), sem ekki höfðu
fundist þar áður. Einnig kemst bláháfur
í fyrsta skipti á skrá sem fiskur veiddur
innan íslenskrar lögsögu. Nokkrir
óvenju stórir fiskar sinnar tegundar
veiddust einnig og er þeirra getið ýmist
í listanum eða sérstaklega eftir því sem
við á. Auk allra þessara merkilegu fiska
bárust allmargir hryggleysingjar, aðal-
lega krabbadýr, til greiningar. Hér á eft-
ir verður sagt frá þessum sjaldséðu teg-
undum.
Slímáll (Myxine ios)
Tveir slímálar veiddust í maí 1996 í
botnvörpu á grálúöuslóð, vestan Víkur-
áls. Þeir mældust 40 og 49 cm. í júní
veiddist svo einn slímáll í botnvörpu á
grálúðuslóðinni vestan Víkuráls og
mældist hann 25 cm. í nóvember
veiddist einnig slímáll djúpt vestur af
Öndverðarnesi og mældist hann 48 cm
langur. Dýpið á veiðislóðinni var 641-
732 metrar.
Árlega veiðist einn eða fleiri slímálar
á íslandsmiðum, einkum á grálúðuslóð-
inni vestan Víkuráls.
Brandháfur, (Hexanchus griseus)
Brandháfur kom í net í september, út af
Sandgerði, og var hann uml80 cm.
Þetta er sennilega áttundi brandháfur-
inn sem finnst við ísland. Sá fyrsti
fékkst árið 1920.
Kambháfur (Pseudotriakis microdon)
Kambháfur veiddist í október suður af
Surti og var dýpið 604 metrar. Þetta var
207 cm. langur hængur og veiddist
hann í botnvörpu.
Þetta mun vera 13. kambháfurinn
sem veiðist á íslandsmiðum síðan árið
1900 en þá fannst sá fyrsti.
Rauðháfur (Centrophoms squamosus)
í nóvembermánuði veiddist rauðháfs-
hrygna, 129 cm. löng, djúpt vestur af
landinu. Hún reyndist 14,5 kg. að
þyngd og þar af var lifur 3 kg. í hrygnu
þessari voru 8 stór egg 178-195 g á
þyngd og í maga var sundurbitinn karfi.
Maríuskata (Bathyraja spinicauda)
Maríuskata veiddist í október á 1.464
metra dýpi á Reykjaneshrygg. Þetta var
hængur, 144 cm., og vó hann 15 kg.
Fiskurinn veiddist á línu.
Náskata (Raja (Leucoraja) fullonica)
Náskata fékkst í október á 1.464 metra
dýpi á Reykjaneshrygg. Þetta var 83 cm
hrygna og reyndist 3.122 gr. aö þyngd.
Náskatan veiddist á línu.
Hvítaskata (Raja lintea)
í júlí veiddist hvítaskata í rækjuvörpu í
Reykjafjarðarál. Dýpið var 318-346 m
en skatan mældist 98 cm.
Pétursskip úr hvítaskötu
í nóvember veiddust tvö pétursskip
hvítaskötu á 641-915 m dýpi á grá-
lúðuslóð vestan Víkuráls og 10 veiddust
á sama tíma á 641-732 m dýpi djúpt
vestur af Öndverðarnesi. Hitastig við
botn var 5-7 C.
Höfundar eru starfsmenn Haf-
rannsóknastofnunar, þau Gunn-
ar Jónsson, Jakob Magnússon,
Vilhelmína Vilhelmsdóttir og
Jónbjörn Pálsson.
Mjúkhaus (Rouleina attrita)
í maí veiddist mjúkhaus í botnvörpu á
grálúðuslóö vestan Víkuráls. Hann
mældist 30 cm að lengd.
Þessi tegund fannst fyrst hér vib Iand
árið 1993 og mun þetta vera fimmti
fiskur tegundarinnar sem hér veiðist.
Allir hafa þeir veiðst á svipuðum slób-
um.
Marangi (Holtbymia macrops)
í janúar 1996 veiddust þrír marangar á
439 metra dýpi, djúpt suðvestur af
Reykjanesi. Þeir komu í botnvörpu og
voru allir svipaðir ab lengd, 8,8 ogll
cm.
Njarðarangi (Maulisia mauli)
í maí kom njarðarangi í botnvörpu á
grálúöuslóðinni vestan Víkuráls. Hann
mældist 15 cm að sporð. í desember
veiddist annar á sömu slób og mældist
13 cm.
Ránarangi (Sagamichthys schnakenbecki)
Ránarangi veiddist í flotvörpu á 650
metra dýpi á Reykjaneshrygg í október.
Hann mældist 9 cm langur.
Ægisangi (Searsia koefoedi)
Ægisangi veiddist á Reykjaneshrygg í
október. Dýpi á veiðislóðinni var 650
metrar og mældist fiskurinn 14 cm.
Hann kom í flotvörpu.
ÆGIR 25