Ægir - 01.05.1999, Blaðsíða 15
SAMLEIÐ MEÐ ÍSLENSKUM SJÁVARÚTVEGI
Klukkuna má ekki
færa til baka
í þingkosningum var einnig rætt um
skattlagningu á sjávarútveginn. Þor-
steinn Pálsson segist almennt þeirrar
skoðunar að nýta beri markaðslögmál-
in til að bæta lífskjörin og tryggja þró-
un í atvinnugreininni.
„Ef fara á þá leið að banna að menn
geti farið með hagnaði út úr sjávarút-
vegi, eins og öðrum atvinnugreinum,
þá hættir einkafjármagn að koma inn
í greinina og skattborgararnir verða að
leggja henni til fjármagn. Ég fullyrði
að slíkt leiðir til ófarnaðar. Ef menn
ætla að festa aflaheimildir í tilteknum
byggðum og skylda menn til viðskipta
þá verður ríkisvaldið að koma með
lykilinn að þeim viðskiptum og
ákveða fiskverð upp á nýtt. Þar með er
það búið að ákveða 60% af kostnaði
fiskvinnslunnar og þá er ríkið komið
inn í þann hring að þurfa að taka
ábyrgð á rekstrargrundvellinum og af
sjálfu leiðir að menn eru komnir inn í
gömlu gengisfellingarleiðina. Við ger-
um einfaldlega ekki hvort tveggja að
éta kökuna og geyma hana."
Þú átt við að byggðakvóti eða ein-
hverskonar tenging kvóta við byggðir
muni færa sjávarútveginn mjög hratt
inn á gengisfellingarbrautirnar?
„Sú leið þýðir að verið er að færa
lífskjaraklukkuna langt til baka."
Fiskverðsdeilum verður að Ijúka
Sjávarútvegsráðherrann fyrrverandi
svarar því játandi að það séu sér viss
vonbrigði að ekki hafi tekist að ná
sáttum í deilum um fiskverðsmyndun.
„Jú, þetta eru mikil vonbrigði og þá
deilu verður að leysa. Ég hef hvatt
málsaðilana til að skoða ofan í kjölinn
hvort ekki sé hægt að finna nýjar við-
miðanir til að ákvarða laun sjómanna.
Ekki til þess að rýra laun stéttarinnar
heldur þvert á móti til að bæta þau.
Spurningin er sú hvort ekki sé hægt að
finna framleiðni- eða hagnaðarvið-
miðanir og ef menn trúa því að efna-
hagur sjávarútvegsins muni styrkjast
þá tel ég ekki áhættusamt fyrir sjó-
menn að fara þessar leiðir. Ávinning-
urinn væri sá að allir aðilar gætu losn-
að út úr þeim heljargreipum sem teng-
ing launa sjómanna við fiskverð er í
dag. Við vitum að út um allan heim er
verið að þróa ný launakerfi sem verð-
launa þá sem standa sig vel og ég er
sannfærður um að það er hægt að
draga lærdóm af þeirri vinnu og nota í
þágu íslenskra sjómanna og íslensks
sjávarútvegs."
Eftirmaðurinn þarf að hafa
heildarhagsmuni að leiöarljósi
Þorsteinn segist ráðleggja eftirmanni
sínum í sjávarútvegsráðuneytinu að
hafa heildarhagsmuni greinarinnar í
huga í starfi sínu.
„Við vitum vel af reynslunni að það
er mikið hagsmunatog í sjávarútvegin-
um og auðvelt að falla fyrir sérhags-
munum innan greinarinnar. Mjög
mikilvægt er að fylgt verði áfram
ábyrgri nýtingarstefnu og að markaðs-
öflin fái áfram að ráða þróun atvinnu-
greinarinnar og klukkan verði alls ekki
færð aftur til aukinna ríkisafskipta."
Eru einhver einstök mál sem standa
upp úr á átta ára ferli sem sjávarút-
vegsráðherra?
„Þessi tími hefur í heild sinni verið
mjög skemmtilegur en um leið átaka-
samur. Það voru átök um pólitískar
hugmyndir og fyrir mann eins og mig,
sem hefur gaman af stjórnmálum, þá
voru átökin ekki til að draga úr ánægj-
unni af starfinu!"
Þurfa menn ekki líka að hafa sterk
bein sem ráðherrar í þeirri atvinnu-
grein sem hefur innanborðs það fólk
sem hefur hvað ákveðnastar skoðanir
landsmanna og talar tæpitungulaust?
„Jú, það eru miklir kraftar í at-
vinnugreininni," svarar Þorsteinn og
hlær.
„Mér hefur komið að gagni að hafa
ákveðnar skoðanir á málefnum sjávar-
útvegsins og nauðsynlegt er líka að
menn viti hvert þeir vilja stefna."
„Effara á þá leið að
banna að menn geti far-
ið með hagnaði út úr
sjávanítvegi, eins og
öðrum atvinnugreinum,
þá hœttir einkafjár-
magn að koma inn í
greinina og skattborgar-
arnir verða að leggja
henni til fjármagn. Ég
fullyrði að slíkt leiðir til
ófarnaðar."
AGIR 15