Ægir - 01.12.1999, Qupperneq 39

SAMLEIÐ MEÐ ÍSLENSKUM SJÁVARÚTVEGI
fasta aflatölu er líklegt að samið yrði
um ákveðna prósentutölu líkt og gert
var um þorskafla norðan 62. breidd-
argráðu í norska samningnum. íslend-
ingar myndu svo halda hlutdeild sinni
í loðnukvóta ESB. í aðildarviðræðun-
um yrði því um að ræða nánari út-
færslu á gildandi samningi við sam-
bandið um gagnkvæm fiskveiðirétt-
indi. Að öðru leyti er engin ástæða til
að ætla að sókn ESB á íslandsmið
myndi aukast frá því sem nú er. Norð-
menn náðu að tryggja svo til óbreytta
stöðu frá EES-samkomulaginu og eng-
in ástæða er til að ætla að árangur ís-
lendinga yrði lakari í viðræðum við
ESB. Engin ástæða er heldur til að ætla
að ESB fari fram á að við greiðum „að-
gangseyri" að sambandinu í formi
veiðiheimilda frekar en Norðmenn.
Fjárfestingar í sjávarútvegi
Uppi hafa verið raddir um að slaka
beri á núverandi löggjöf sem bannar
eignaraðild útlendinga í sjávarútvegi á
íslandi. Samt sem áður má ætla að ís-
lendingar myndu leggja töluvert upp
úr því að ákvæði EES-samningsins um
varanlega undanþágu frá fjárfesting-
um útlendinga í sjávarútvegi yrði fest í
aðildarsamningi. Öruggt má telja að
tímabundin undanþága fengist en
óliklegt er að varanleg undanþága
næði fram að ganga. Þó má benda á að
í tengslum við EES-samningin héldu
talsmenn ESB því fram, allt fram á síð-
ustu stundu, að slík undanþága væri
óhugsandi. Jafnframt má benda á
skýra undanþágu sem Danir fengu frá
ákvæðum Maastricht-samningsins um
fjárfestingar útlendinga í sumarbú-
staðarlöndum.
Ef íslendingar kjósa að hefja aðild-
arviðræður við ESB virðist um þrjá
„Styrkjakerfi ESB hefur
áhrifá íslenskan sjávar-
útveg hvort sem að ís-
lendingar standa fyrir
utan sambandið eða
gerast fullir aðilar."
kosti að ræða sem grundvöll í samn-
ingum um takmarkanir á fjárfesting-
um erlendra aðila í sjávarútvegi:
• Að fá varanlega undanþágu líkt og
nú er að finna í EES-samningnum.
• Að fá ótvírætt leyfi til að setja lög
sem binda heimild til fjárfestinga í
sjávarútvegi við búsetu - svipað og
danska sumarbústaðaákvæðið.
• Að fá heimild til að setja lög sem
kveða á um sterk efnahagsleg tengsl á
milli útgerðar og vinnslu við heima-
höfn skips - svipað og túlkun norskra
stjórnvalda á sameiginlegu yfirlýsingu
þeirra og ESB um kvótahopp.
Styrkjakerfið
Styrkjakerfi ESB hefur áhrif á íslenskan
sjávarútveg hvort sem að íslendingar
standa fyrir utan sambandið eða ger-
ast fullir aðilar. Gangi ísland í ESB
-------------------ÆGIR 39
„Uppi hafa verið raddir um að slaka beri á núverandi löggjöfsem bannar eignaraðild út-
lendinga í sjávarútvegi á íslandi. Samt sem áður má œtla að íslendingar myndu leggja
töluvert upp úr því að ákvœði EES-samningsins um varanlega undanþágu frá fjárfesting-
um útlendinga ísjávarútvegi yrði fest í aðildarsanmingi."