Ægir - 01.12.2000, Síða 6
Pétur Bjarnason,
framkvæmdastjóri
Fiskifélags íslands
Aldahvörf - sjávarútvegur
á tímamótum
Sjónvarpið hefur lokið sýningum á þáttaröð Páls Bene-
diktssonar, fréttamanns, Aldahvörf - jjávarútvegur á
tímamótum. Það er ljóst að gerð þáttanna hefur verið
mikið þrekvirki og á Páll og þeir sem með honum hafa
starfað, þakkir skildar fyrir framtakið. Vitaskuld eru
þættirnir ekki gallalausir og margt af því sem kom
fram hefur verið gagnrýnt enda margt í sjávarútvegi
sem menn greinir á um. I heild sýna þættirnir þó að ís-
lenskur sjávarútvegur er nútímaleg og alþjóðavædd at-
vinnugrein. Greinin hefur tekið í notkun allt það
nýjasta og besta í tæknibúnaði og er hátæknigrein
þrátt fyrir að standa styrkum stoðum á gömlum
grunni. Islenskur sjávarútvegur býr yfir mörgum
möguleikum. I greininni eru aðlaðandi tækifæri fýrir
ungt og efnilegt fólk til að starfa að spennandi við-
fangsefnum og sú þekking sem býr í greininni getur
orðið - og er þegar orðin - mikilvæg söluvara á alþjóða-
markaði. Það eru allar forsendur fyrir því að sjávarút-
vegurinn verði áfram framsækin atvinnugrein og
burðarás í íslensku þjóðfélagi.
Það er full þörf á að staldra við þetta. Það er vinsælt
um þessar mundir að benda á minnkandi efnahagslegt
mikilvægi sjávarútvegsins. Það er þó ljóst að minnk-
andi mikilvægi í hagtölum kemur ekki til af því að
sjávarútvegur sé að minnka að umfangi. Virðisauki í
greininni undanfarin áratug hefur verið ótrúlegur mið-
að við þann samdrátt í þorskveiðum sem við höfum
mátt búa við, en þorskurinn hefur alltaf verið verð-
mætasti nytjastofn okkar. Hlutur sjávarútvegs í efna-
hagslífinu er að minnka vegna aukningar í öðrum og
gjarnan nýjum hátæknigreinum. Sjávarútvegurinn
stendur áfram fyrir sínu.
Það er mikilvægt að almenningur og ungt fólk, sem
er að velta fyrir sér möguleikum sínum í framtíðinni,
átti sig á þessari stöðu sjávarútvegsins. Islenskur sjáv-
arútvegur er í raun mikilvægasta og öflugasta há-
tæknigrein landsins. Greinin mun í framtíðinni bjóða
upp á framsækin og metnaðarfull störf á mörgum svið-
um og tækifæri fýrir ungt og menntað fólk verða
óþrjótandi. Islenskur sjávarútvegur er því langt í frá að
vera stöðnuð gömul atvinnugrein. Hann er miklu
fremur nútímaleg alþjóðleg atvinnugrein.
Þættir Páls Benediktssonar vörpuðu nokkru ljósi á
þessa staðreynd. Það er vel og er full réttlæting á þátt-
unum þótt mönnum hafi greint á um einhver efnisat-
riði. Rétt er að benda á að það er mikilvægt hlutverk
sjávarútvegsins og samtaka innan greinarinnar að
halda á lofti jákvæðri fræðslu um greinina og stuðla að
upplýsandi umræðum. Islenskur sjávarútvegur þarf á
því að halda að almenningur skilji þarfir hans og eðli.
Á þann hátt einan mun greinin lifa í eðlilegri sátt við
þjóð sína.
Ægir óskar lesendum sínum nær og fjær gleðilegra
jóla og farsæls komandi árs.