Ægir - 01.12.2000, Blaðsíða 15

FRÉTTIR
Formannaráðstefna FFSÍ:
Tilraunir til að leysa deilur
um fiskverð hafa mistekist
Formannaráðstefna Farmanna- og fiskimannasambands
íslands var haldinn í Keflavík undir lok nóvembermán-
aðar og voru kjaramál fiskimanna meðal stærstu um-
fjöllunarefna þingsins.
í ályktun um það éfni er vísað á bug að
lítill samningsvilji hafi verið meðal sjó-
manna í samningum við útvegsmenn
enda megi benda á fjöldamarga samn-
ingafundi útvegsmanna og FFSI á því 9
mánaða tímabili sem samningar hafi ver-
ið lausir. Fundirnir hafi hins vegar verið
árangurslausir með öllu þar sem útvegs-
menn hafi hafnað nær öllum kröfum.
„I kjaradeilunni milli sjómanna og út-
vegsmanna er mest tekist á um verð-
myndun á sjávarafla. Það ætti öllum að
vera ljóst, vegna hlutaskiptakerfis í sjáv-
arútvegi, að fiskverð hefur sama gildi fyr-
ir sjómenn á fiskiskipum og kauptaxtar
- segir m.a. i ályktun fundarins
fyrir aðra launþega. Þessi sérstaka deila
hefur nú staðið nær linnulaust í heilan
áratug, eftir að fiskverð var gefið frjálst að
nafninu til, en á sama tíma hefur framsal
veiðiheimilda verið nær hömlulaust.
Þetta frelsi virðist einungis ná til útveg-
manna þar sem margir þeirra skáka í því
skjóli að geta ákveðið fiskverð einhliða.
Slíkt fyrirkomulag að sjómenn þurfa sí-
fellt að standa í samningum um fiskverð,
þegar fiskur er seldur beint til fiskvinnslu
er með öllu óviðunandi. Þau úrræði sem
notuð hafa verið, eins og samningarnefnd
og úrskurðarnefnd sjómanna og útvegs-
manna, til að leysa deilur um fiskverð
hafa mistekist. Og er nú svo komið að
sjórnskipaðir oddamenn úrskurðarnefnd-
ar túlka með ólíkum hætti mikilvæg
ákvæði hlutaðeigandi laga sem fara ber
eftir. Þetta hefur leitt til þess að úrskurð-
arnefndin er nánast orðin óstarfhæf," seg-
ir í kjaramálaályktuninni og bent er á
leiðir til að leysa tvö vandamál vegna
fiskverðsdeilunnar.
„I fyrsta lagi þarf að leggja niður rfkj-
andi fyrirkomulag um beina samninga
um fiskverð milli áhafna einstakra fiski-
skipa og útvegsmanna þeirra. I öðru lagi
þarf að tryggja að fiskverð til vinnslu taki
breytingum í takt við breytingar á af-
urðaverði og gengi erlendra gjaldmiðla. I
því sambandi hafa samtökin einna helst
vísað til þeirrar lausnar að allur fiskur
verði seldur á uppbosmarkaði og mark-
aðstengdu verði," segja farmenn og fiski-
menn m.a. í ályktun formannafundarins.
Sigllngaskólinn:
1000 nemendur hafa
lokið réttindanámi
„Við höfum haft um 50 nemendur á
þessu ári í réttindanámi til 30 tonna
skipstjórnarréttinda og í heild telja nem-
endur okkar um 1000 á þeim 16 árum
sem skólinn hefur starfað," segir Bene-
dikt Alfonsson, skólastjóri og eigandi
Siglingaskólans.
Benedikt segist kenna bæði á kvöld-
námskeiðum og dagnámskeiðum í Sigl-
ingaskólanum og reynslan sýnir að þeir
sem hafa sjómennsku að aðalstarfi kjósa
frekast að sækja skólann á dagtíma.
Þannig geta þeir lokið réttindanámi til
30 tonna skipstjórnar á hálfum mánuði.
Á kvöldnámskeiðum er kennt tvo daga í
viku, fjóra tíma í senn og tekur námskeið
um 10 vikur. Kennslan snýst um sigl-
ingafræði, siglingareglur, vélfræði, veð-
urfræði, skyndihjálp, björgunar- og
öryggisfræði, stöðugleika skipa, siglinga-
tæki og þannig mætti áfram telja en sá
hluti námskeiðanna sem snýr að skyndi-
hjálp, björgunar - og öryggisfræðum er í
samstarfi við Slysavarnaskóla sjómanna.
„Sem stendur er ástandið þannig að það
skortir réttindamenn á togskipin og þeir
sem ljúka 30 tonna réttindaprófinu eiga
möguleika á því við slíkar aðstæður að fá
undanþágu til að stjórna minni togskip-
unum.Nemendurnir eru annars bæði sjó-
menn og fólk sem er að ná sér í réttindi
vegna tómstundagamans," segir Bene-
dikt.
Bendikt Alfonsson og nemendur
í Siglingaskólanum.