Ægir - 01.12.2000, Side 27

ÆGISVIÐTALIÐ
Framtíðarplön
„Vinna okkar öll þessi ár hefur miðað að því að þróa
aðferðir til framleiðslu á lúðuseiðum og ná góðum
tökum á þeim. Núna teljum við okkur hafa náð því
marki og undanfarin þrjú ár höfum við framleitt um
það bil helming lúðuseiða í heiminum. I þessu sam-
bandi er vert að hafa í huga að um það bil tuttugu og
fimm eldis- og rannsóknastöðvar í Kanada, Noregi
og Skotlandi koma á einn eða annan hátt að fram-
leiðslu lúðuseiða. Sá árangur sem við höfum náð seg-
ir mér að þær aðferðir sem við höfum þróað undanfar-
in tíu ár eru ábyggilegri en þær leiðir sem aðrir fram-
leiðendur hafa farið.
A þessu ári höfum við unnið að því að móta stefnu
Fiskeldis Eyjafjarðar til næstu ára. Þeirri stefnumótun
er ekki lokið, en hún tekur mið af því að við höldum
okkar forustuhlutverki. Til þess að það verði unnt er
að mínu mati aðeins ein leið fær, að auka framleiðsl-
una. Og nú þegar liggja fyrir hugmyndir um að auka
framleiðslu lúðuseiða á Hjalteyri úr 400 þúsund á ári,
eins og staðan er í dag, í að minnsta kosti 2 milljón-
ir seiða innan fimm ára. Til þess að ná þvf þarf að
stækka stöðina á Hjalteyri umtalsvert. Og það þarf
einnig að stækka eldisstöð okkar í Þorlákshöfn til
þess að unnt verði að framleiða eitt þúsund til fimmt-
án hundruð tonn af lúðu á ári. Ef við horfum út fyrir
landsteinana, þá erum við búnir að hasla okkur völl í
Kanada og Noregi og eigum auk þess í viðræðum við
aðila á Bretlandseyjum. Með því að auka framleiðsl-
una á öllum þessum stöðum og koma okkur upp eld-
isstöðvum þar sem aðstæður eru bestar, þá ætti okk-
ur að takast að vera áfram í forustuhlutverki í lúðu-
eldi.“
Uppbygging í útlöndum
Stjórnendur Fiskeldis Eyjafjarðar hafa sett sér það
framtíðarmarkmið að vera áfram leiðandi í heiminum
í framleiðslu lúðuseiða og matfiskeldi. En til þess að
það takist telur Olafur óhjákvæmilegt að Fiskeldi
Eyjafjarðar horfi ekki bara á Island. „Það er okkar
markmið að langmest af þeim seiðum sem við fram-
leiðum fari f eldi hjá fyrirtækjum sem við eigum ráð-
andi hlut í. Ástæðan fyrir því að við teljum nauðsyn-
legt að hasla okkur völl í fyrirtækjum í útlöndum er
ekki síst nálægð við stærstu markaðina. Það er til
dæmis ekki sambærilegur flutningskostnaður á lúðu
með flugi frá Islandi á Bandaríkjamarkað og landleið-
ina frá Nova Scotia í Kanada. Að sama skapi er vitan-
lega mun styttra og ódýrara að flytja lúðuna frá Bret-
landseyjum á markað á meginlandi Evrópu en alla
leið frá Islandi."
Ekki öllum spurningum svarað
Ólafur upplýsir að framtíðarhugmyndir hans um
uppbyggingu Fiskeldis Eyjafjarðar séu í stórum
dráttum þær að fyrirtækið eigi ráðandi hlut í eldisfyr-
irtækjum á Bretlandseyjum, austurströnd Kanada,
hér á Islandi og jafnvel í Noregi. „Markmið félagsins
er ekki að selja lúðuseiði öðruvísi en að við getum
með einhverjum hætti komið að matfiskeldi líka. En
það er hins vegar alveg ljóst að verð á lúðuseiðum er
mjög hátt um þessar mundir og því væri freistandi að
Sagan
í stuttu máli
Fiskeldi Eyjafjarðar hf. var stofnað á Hjalteyri við Eyja-
fjörð í maí árið 1987. Fljótiega var starfsemi fyrirtækis-
ins fundinn staður í hluta gömlu síldarverksmiðjanna á
Hjalteyri og þar var byggð upp seiðaeldisstöð. Árið
1990 tókst starfsmönnum Fiskeldis Eyjafjarðar að fram-
leiða fyrstu lúðuseiðin og þar með varð fyrirtækið með
þeim allra fyrstu til þess að ná þeim áfanga í heiminum.
Á liðnum áratug hefur Fiskeldi Eyjafjarðar náð með
hverju árinu betri tökum á framleiðslu lúðuseiða og nú
er svo komið að á þessu sviði lúðueldis er fyrirtækið í
forystuhlutverki í heiminum.
Hér á landi er Fiskeldi Eyjafjarðar hf. með starfsemi á
fjórum stöðum á landinu. Á Dalvík er klakfiskastöð, þar
sem hrygningu þriggja aðskilinna hópa klakfiska er
stýrt með ljósi. Á Hjalteyri er seiðaeldisstöð og þar fer
fram öll þróunarvinna við framleiðslu lúðuseiða. I Þor-
lákshöfn er matfiskeldisstöð Fiskeldis Eyjafjarðar, en
þangað eru seiðin flutt frá Hjalteyri 3ja til 5 gramma
þung. Þá er ónefnd skrifstofa fyrirtækisins á Akureyri.
Tuttugu starfsmenn eru hjá Fiskeldi Eyjafjarðar hér á
landi, þar af eru átta á Dalvík og Hjalteyri, níu í Þor-
lákshöfn og þrír á skrifstofu á Akureyri.
En einnig hefur Fiskeldi Eyjafjarðar skotið rótum í
öðrum löndum; Kanada, Noregi og á Bretlandseyjum.
Tíu stærstu hluthafar í Fiskeldi Eyjafjarðar hf. eru
Hafrannsóknastofnun, Samherji hf., Útgerðarfélag Ak-
ureyringa hf., Burðarás hf., Ránarborg ehf., Sölumiðstöð
hraðfrystihúsanna hf., Arnarneshreppur, Akureyrarbær,
Gjögur hf. og Landssamband íslenskra útvegsmanna.
Stjórnarformaður féiagsins er Björgólfur Jóhannsson,
framkvæmdastjóri Síldarvinnslunnar í Neskaupstað, en
framkvæmdastjóri þess er Ólafur Halldórsson, fiski-
fræðingur á Akureyri.