Ægir - 01.12.2000, Qupperneq 32

■ HVERNIG VAR SJÁVARÚTVEGSÁRIÐ 2000?
Rekstrarskilyrði versnuðu
í flestu tilliti
- segir Ari Edwald, framkvæmdastjóri Samtaka atvinnulífsins
„Ég hygg að þeir sem starfa í sjávarútveginum muni einkum minnast
■Íg ársins 2000 fyrir þeirra hluta sakir að rekstrarskilyrði greinarinnar
■f versnuðu í flestu tilliti, til dæmis vegna hækkandi olíverðs og skertra
Kjfl aflaheimilda," segir Ari Edwald, framkvæmdastjóri Samtaka atvinnu-
lífsins. „Þá var afurðaverð ekki sérlega hagstætt. Gengislækkun á síðari
■ hluta ársins hefur jákvæð áhrif á samkeppnisstöðu rekstrarins en á móti
A M keinur að hækkun skulda vegur þungt vegna mikilla erlendra lána
^ | greinarinnar."
Ari Edwald.
Ari segist telja að núverandi þróun í sjávarútveginum
haldi áfram með tækninýjungum og sameiningu fyr-
irtækja. „Markverð tíðindi af þessum toga eru t.d.
sameining Snæfells og Samherja á haustmánuðum og
sameining þriggja fyrirtækja á Suðurnesjum snemma
á árinu undir merkjum Þorbjarnarins. Hins vegar er
margt í rekstrarumhverfinu sem hindrar frekari fram-
þróun og þar nefni ég til dæmis kvótaþak og veiði-
skyldu. Af öðrum markverðum tíðindum fyrir grein-
ina má nefna skýrslu Auðlindanefndar sem kynnt var
í haust. Eg vænti þess að álit nefndarinnar geti lagt
grunn að því að meiri sátt skapist um starfsskilyrði
greinarinnar og þar með verði meiri stöðugleiki í
rekstrarumhverfinu."
Um íslenskan sjávarútveg á komandi ári segir Ari
að horfurnar séu ekki bjartar því blikur séu á lofti um
vinnufrið í upphafi ársins. „Verkfall væri slæm byrj-
un á árinu,“ segir Ari, sem telur vinnufrið vera
grundvöll áframhaldandi framþróunar. „I umræðum
um hve seint og illa hefúr gengið að semja er látið að
því liggja að það stafi helst af persónulegum stirð-
leika manna í milli. Þetta er í mínum huga alrangt.
Menn mega ekki gleyma því að ekki eru mörg ár lið-
in síðan fulltrúar sjómanna og útvegsmanna voru
sessunautar við borð Verðlagsráðs sjávarútvegsins og
hagsmunir sjómanna og útgerðar fóru saman við mið-
stýrða opinbera verðákvörðun, sem tekjur útgerðar og
laun sjómanna byggðust á,“ segir Ari og hann heldur
áfram:
„Þetta breyttist í grundvallaratriðum þegar fisk-
verð var gefið frjálst og f raun er fiskverðið ónothæft
sem grundvöllur launasamninga með þeim hætti sem
áður var, enda hljóta það að vera stjórnendur fyrir-
tækjanna sem taka ákvörðun um ráðstöfun aflans í
frjálsum viðskiptum. Menn hafa stundum nefnt þann
möguleika að semja um fiskverð til skipta óháð raun-
verulegu söluverði, en þá eru menn í raun að semja
um launin. Mér finnst liggja beinna við að semja
beint um laun með einhverju ábatakerfi. I öllu falli er
nauðsynlegt að fara í einhverjar aðgerðir af þessum
toga til þess að tryggja vinnufrið í greinni, ef það á að
vera spennandi að starfa í íslenskum sjávarútvegi á
næstu árurn."