Árbók Háskóla Íslands - 01.01.1922, Side 13

11
Mefistofeles skrifar þá á bók stúdentsins þessi orð: Eritis
sicut deus scientes bonum et malum. Þetta fyrirheit get jeg
ekki í nafni háskóla vors gefið yður. Og það getur enginn
háskóli um víða veröld gefið. Hvað langt sem þjer komist
á mentabrautinni, verða jafnan eftir óendanleg og ómælan-
leg þekkingarsvið, er lokuð verða yður. En jeg get geflð
yður annað fyrirheit, úr sömu helgisögn ritningarinnar og
hið fyrra. Það er þetta: In sudore vultus tui vesceris pane.
Yður finst það ef til vill fremur vera ill álög en fyrirheit,
en svo er ekki. Það er í raun rjettri dýrlegasta fyrirheitið sem
mannkyninu hefir verið gefið. Torfærurnar og erfiðleikarnir
hafa verið besti skóli mannkynsins. Þær hafa gert mennina
að mönnum. Það hefir jafnan verið svo, að mestur fengur
væri í þvi, er mest var fyrir haft, og á það ekki síst við um
andleg gæði. Þar er það dýrmætast, sem dýrkeyptast varð.
Andlegt afl mannsins þarf stælingar við. Við erfiðleikana vex
það og styrkist. Jeg get ekki óskað yður annars betra, en að
yður mæti á námsárum yðar margar andlegar torfærur,
margar andlegar aflraunir. Ef þjer gangið ótrauðir gegn þeim
og beitið við þær til hins ítrasta viljaþreki yðar og skilnings-
afli, þá fer eigi hjá þvi, að þjer vaxið að öllu sönnu manngildi.
Með þeirri ósk býð jeg yður velkomna að háskóla vorum.
III. Gerðir háskólaráðsins.
Kosning varaforseta og skrifara. Háskólaráðið kaus
á fundi 58. sept. 1921 prófessor Harald Níelsson varafor-
seta sinn og prófessor Magnús Jónsson ritara. Prófessor, dr.
phil. Sigurður Nordal var í mars 1922 kosinn ritari i stað
Magnúsar Jónssonar, er þá var farinn frá háskólanum.