Árbók Háskóla Íslands - 01.02.1959, Side 98

96
henni urðu alls 60 talsins, sem próf. Hreinn Benediktsson hafði á
hendi, og var hópurinn tvískiptur. Síðan byrjaði próf. Steingrímur J.
Þorsteinsson fyrirlestra um íslenzkar bókmenntir eftir árið 1350, en
þeir voru 13 og fjölluðu m. a. um Dansa og önnur þjóðkvæði, Rímur,
Siðaskiptatímann og lærdómsöld, Þjóðsögur og ævintýri, Nýöld, Leik-
ritun, Skáldsagnaritun og nokkur helztu skáld síðustu alda. Loks hóf-
ust fyrirlestrar próf. Einars Ól. Sveinssonar í fornbókmenntum; f jöldi
þeirra var einnig 13, og efni þeirra m. a. eftirfarandi: Hávamál, Völu-
spá, Dróttkvæða þáttur, Lestrarkunnátta íslendinga í fornöld, Um
sögurnar, Ari fróði, Snorri Sturluson, Eyrbyggja og uppsprettur henn-
ar, og Njála. — Voru fyrirlestrar prófessoranna ýmist á sænsku,
dönsku eða íslenzku.
Það, sem hér hefir verið talið, voru meginþættir námskeiðsins. En
auk þeirra var lagt mikið kapp á að gefa þátttakendum tækifæri til
að kynnast sem flestum hliðum íslenzks þjóðlífs fyrr og nú. í þeim
tilgangi voru fræðimenn í ýmsum ólíkum greinum fengnir til fyrir-
lestrahalds. Af fyrirlesurum þessum má t. d. nefna próf. Ármann
Snævarr, Björn Th. Björnsson, listfræðing, Björn Þorsteinsson, sagn-
fræðing, dr. Jakob Benediktsson, próf. Jón Steffensen, dr. Kristján
Eldjárn, þjóðminjavörð, dr. Róbert A. Ottósson, tónskáld, Sigurð A.
Magnússon, bókmenntagagnrýnanda, dr. Sigurð Þórarinsson, jarð-
fræðing og Sverri Kristjánsson, sagnfræðing. Allmargar ferðir voru
farnar á ýmsar söguslóðir hér í nágrenni Reykjavíkur og til annarra
athyglisverðra staða, þar á meðal Þingvalla, Sogs, Geysis, Gullfoss,
Hveragerðis, Borgarfjarðar, Suðurnesja og víðar. Fyrirlestrar þessir
og ferðalög urðu mjög til þess að víkka sjóndeildarhring þátttakenda.
Eiga fyrirlesarar og þeir aðilar, sem greitt hafa fyrir stúdentaráði í
sambandi við ferðalögin á margvíslegan hátt, miklar þakkir skildar.
Ástæða er til að geta sérstaklega þeirra aðila, sem tekið hafa á sig
þyngsta fjárhagsbyrði vegna námskeiðsins, Alþingis og háskólans,
og flytja þeim þakkir. Námskeiðinu lauk 5. nóv.
Bókmenntakynningar.
Bókmenntakynningar í hátíðasal háskólans með því fyrirkomulagi,
sem tíðkazt hefir undanfarin 5 ár, voru á síðastliðnum vetri 2 talsins.
Sú fyrri var kynning á verkum Þórbergs Þórðarsonar, en á hinni síð-
ari var kynntur íslenzkur sagnaskáldskapur síðasta áratugs.
1) Kynningin á verkum Þórbergs Þórðarsonar fór fram sunnudag-
inn 7. desember 1958. Þar flutti Sverrir Kristjánsson, sagnfræðingur,
erindi um rithöfundinn og verk hans, en að því loknu voru lesnir
upp kaflar úr ýmsum verkanna: „Islenzkur aðall“, „Bréf til Láru“,
Ævisögu sr. Árna Þórarinssonar, „Viðfjarðarundrin"; auk þess voru