Árbók Háskóla Íslands - 01.02.1959, Qupperneq 104

102
skyldi 100 þúsund krónum varið sérstaklega til læknanema í II. og
m. hluta, sem eftir samþykkt hinnar nýju reglugerðar um lækna-
námið eiga mun erfiðara en áður með að afla sér tekna meðfram
náminu. Þá standa einnig vonir til, að unnt verði að sinna umsóknum
stúdenta í I. hluta frekar en verið hefir.
Lánveitingar úr sjóðnum í tíð fráfarandi stúdentaráðs voru þessar:
1) í fyrrahaust, áður en síðasta hækkunin var fengin, bárust 116
umsóknir, og varð að synja 8 þeirra. Öðrum umsækjendum var sam-
þykkt að lána í 3 flokkum og var upphæð og fjöldi útlána þessi í
hverjum þeirra:
I. 39 lán á 5.500 kr.
10 ---- 5.000 —*
H. 37 ----- 4.000 —
m. 22 ------ 2.500 —
Samtals námu lánveitingar þessar 467.500 krónum.
2) Á síðastliðnu vori sóttu 114 stúdentar um lán og var öllum gerð
úrlausn. Skiptust lánin þannig:
I. 46 lán á 5.500 kr.
II. 31 --- 4.000 —
III. 37 --- 2.500 —
Samkvæmt þessu var heildarupphæð lánanna 469.500 krónur.
I stjóm lánasjóðsins eiga nú sæti þeir Sverrir Þorbjörnsson, for-
stjóri, formaður, próf. Júlíus Sigurjónsson, próf. Magnús Þ. Torfason,
Grétar Haraldsson, stud. jur., og Guðmundur Georgsson, stud. med.
Bóksala stúdenta.
í mörg ár hefir verið rætt um það meðal stúdenta, að æskilegt
væri, að þeir tækju sjálfir að sér rekstur Bóksölu stúdenta, sem á und-
anfömum árum hefir orðið nokkuð útundan og ekki verið tök á að
auka og efla sem skyldi.
Á síðast liðnum vetri lá við borð, að rekstri bóksölunnar yrði hætt,
og ákvað stúdentaráð þá, í samráði við og með fulltingi deildarfélag-
anna, að stúdentar skyldu taka reksturinn í eigin hendur.
* Ekki var óskað eftir hærri upphæð.