Árbók Háskóla Íslands - 31.12.2006, Side 236

„Með Bókhlöðuna á borðinu hjá þér"
í fylgiriti sem sent var með Morgunblaðsinu í janúar voru þrjár greinar um
verkefni sem unnin eru í safninu. Upplýsingadeild hefur tekið þessar greinar
saman og fjölritað sem bækling sem kallast Með Bókhtöðuna á borðinu hjá þér
og er til almennrar dreifingar. í heftinu eru greinarnar Vefur Landsbókasafns
Íslands-Háskólabókasafns sem Hatldóra Þorsteinsdóttir skrifaði. Landsaðgangur
að gagnasöfnum og rafrænum tímaritum - hvar.is sem Sveinn Ólafsson skrifaði
og greinin Með Bókhlöðuna á borðinu hjá þérsem Sigrún Klara Hannesdóttir
skrifaði.
Stefna um stafrænt þjóðbókasafn
Safnið setti sér á árinu stefnu varðandi stafræna endurgerð sem miðar að því að
bjóða aukið aðgengi að íslenskum gögnum safnsins með því að setja þau
kerfisbundið í stafrænt form og gera aðgengiteg á netinu. Jafnframt verður safnað
stafrænu efni af netinu (born digitat), það gert aðgengilegt og varðveitt til
framtíðar. Markmiðið með þróun stafræna þjóðbókasafnsins er þríþætt:
• Miðlun upplýsinga um íslenska menningu. Að kynna ísienska menningu sem
best með því að gera íslenskt efni aðgengitegt út fyrir veggi safnsins. Þetta er
gert í fullu samráði við þá sem eiga höfundarrétt að efninu.
• Varðveisla til framtíðar. Að varðveita upprunalegu gögnin. Gögn sem ein-
göngu eru til í áþreifantegu formi skulu einnig varðveitt í stafrænni endur-
gerð til þess að minnka notkun á frumgögnunum. Þau gögn sem eingöngu
eru til í stafrænu formi eru varðveitt til framtíðar og aðgangur veittur að
þeim.
• Þjónusta við notendur. Að uppfytla þarfir notanda hvar sem hann er með því
að íslenskt efni sé aðgengileg á netinu. Einnig leitast safnið við að auðvelda
notandanum að finna stafræna endurgerð efnis með því að tengja saman
efnið sjálft og aðgengitega skráningu þess. t.d. í Gegni.
[ framhaldi af stefnunni var sett forgangsröðun verkefna sem safnið ættar sér
vinna að á næstunni. Stefnan var lögð fyrir stjórnarfund í ágúst og einnig kynnt
menntamálaráðuneyti. [ verkefnaáættun 2007 endurspeglast þessi stefna jafn-
framt. í þróun þessa stafræna þjóðbókasafns er bæði safnað efni sem er aðeins
til í stafrænu formi. svo og því sem sett er í stafrænt form á vegum safnsins. í
framtíðinni verður svo unnið að því að allt þetta stafræna efni verði leitarhæft um
eina gátt.
Samningur við 365-prentmiðla
Þann 26. apríl var undirritaður samstarfssamningur við 365-prentmiðla með við-
höfn í safninu. Fréttablaðið átti fimm ára afmæli 23. apríl og var þessi gjöf afhent í
tilefni af því. Samningurinn er í þrennu lagi: Safnið fær að gjöf mikið dagblaða-
safn sem tekur til atlra íslensku dagblaðanna frá upphafi. alls 2000 bindi. allt
innbundið og í mjög góðu ástandi. Dagblaðasafnið var upphaflega í eigu Sveins R.
Eyjólfssonar. í öðru lagi fær safnið fjárstyrk að upphæð 7.5 m.kr sem greiðist á
fjórum árum til að setja efni Vísis og annarra blaða í eigu 365 í stafrænt form. f
þriðja lagi færsafnið framvegis dagblöð 365 á pdf-formi sem gerir það að verkum
að ekki þarf að mynda þau blöð í framtíðinni.
Ný vinnslulína fyrir stafræna endurgerð
[ fjárlögum fyrir árið 2007 fengust 12 m.kr. á ári í þrjú ár til að setja eldri dagbtöð
á stafrænt form. Samkomulag náðist um að setja upp nýja myndvinnslulínu á
Akureyri og verður hún hýst í Amtsbókasafninu. Undanfarin ár hefur verið unnið
að því að setja Morgunblaðið á stafrænt form með styrk frá Árvakri og mun því
verkefni Ijúka snemma á næsta ári. Lögberg-Heimskringla hefur verið mynduð
fyrir styrk frá menntamálaráðuneyti og fyrr á þessu ári fékk safnið styrk frá 365-
prentmiðlum til að hefja myndatöku á DV. Dagbtaðinu og Vísi. Hafist verður handa
um að mynda Alþýðublaðið, Tímann. Þjóðviljann og Dag á árinu 2007. Landsbóka-
safnið leggur til myndavél og mun eiga hana og sjá um öll tæknimál. en verkið
verður annars alfarið unnið norðan heiða og fjárveitingin nýtt til að greiða laun
starfsmanna við myndatökuna.
Söfnun á vefsíðum
í samræmi við skylduskilalög frá 2003 hefur áfram verið unnið við vefsöfnun og á
árinu 2006 var gerð fyrsta viðburðasöfnunin þegar safnað var af Netinu efni sem
varðaði sveitarstjórnarkosningar 2006. Tekið verður afrit af vefsíðum sem geyma
efni um kosningarnar og aðdraganda þeirra. svo sem umræður. greinaskrif
o.s.frv. Þessi vefsöfnun er að því leyti frábrugðin heildarsöfnunum sem fram-
kvæmdar eru þrisvar á ári að um er að ræða nánari. tímabundna söfnun sem
234