Búnaðarrit - 01.01.1912, Síða 21
BÚNAÐARRIT.
17
Sbýrsla
iim sróðrarstöðina á Eiðuin 1909.
Rétt eftir sumarmálin var byrjað að undirbúa til-
raunir í gróðrarstöðinni, en stöðug vinna byrjaði ekki
fyr en 7. maí, og olli þvi tíðarfarið. Var byrjað á því,
að sá í fyrsta sáðtímareitinn (í6/i), sem undirbúinn var
síðastliðið haust. Því næst var útbúinn vermireitur, og
síðan gengið að undirbúningi sáðlands alls í gróðrar-
stöðinni, eftir því sem tíðarfar leyfðí.
Vermireiturinn var gerður 1. maí. (Annar reitur
var gerður 26. apríl, en kom ekki að liði, sökum þess
að áburðurinn, sem i hann var ekið, var kraftlaus, svo
að ekki hitnaði í honum. Sá áburður var heiman frá
Eiðum). Viku síðar var sáð í reitinn fræi af ísl. gul-
rófum, blómkáli, grænkáli, hvítkáli og rauðkáli. í maí
var kuldatíð og fór hægt fram í vermireitnum, fyr en
undir mánaðamótin maí-júní, er varanleg hlýindi komu.
Næturnar 10.—16. júní var gróðursett úr vermireitnum.
Vegna kuldanna í maí varð undirbúningur allur og
sáning síðbúin. Sáðtíminn (að undanskildum sáðtímatil-
raunum) var frá al/s til 16/6. Eftir að sáð var, og mestan
hluta júnímánaðar, voru sterkir þurkar, sem töfðu vöxt
allan, þótt reynt væri að bæta úr því eftir föngum, með
iðulegri vökvun rófna og káltegunda, þótt erfitt væri
með þeim tækjum, sem t.il þess eru. Frá byrjun júní-
mánaðar og mestan hluta sumarsins voru jafnaðarlega
mikil hlýindi, og mátti vöxtur verða góður fyrir þá sök,
sem og varð á öðru en jarðeplum. Þau eyðilögðust af
næturfrostum, sem komu í öllum mánuðum sumarsins.
Það reyndist enn sem í fyrra, að jarðeplin í gróðrar-
stöðinni voru veikari fyrir frostum en annarsstaðar þar,
sem ætla má að frostið hafi verið jafn-mikið. Ástæð-
urnar ætlum við að só hinar sömu sem við gátum til í
íyrra, og má geta þess að auk, að jarðeplin voru ræktuð
á bersvæði, móti árdegissólinni.