Búnaðarrit - 01.01.1912, Side 95
BÚNAÐARRIT.
91
það einkum þrjár jarðir í Álftaverinu, sem verða fyrir
mestum áföllum af lienni. Fyrir mörgum árum breytti
hún farvegi sínum og tók sér þá nýjan farveg. Byr-
juðu þá skemdirnar fyrir alvöru, og hefir þeim haldið
áfram síðan. Vegna þeirra varð að flytja úr stað tvo
bæi, Jórvíkurhryggi, og eru nú gömlu bæjarstæðin um-
flotin vatni úr Skálm.
Komið hefir til tals, að hlaða fyrir Skálm, þar sem
hún rennur nú, og veita henni í hinn gamla farveg.
En eigi virtist mér það ráðlegt. Slík fyrirhleðsla mundi
kosta afarmikið, en óvíst mjög, hvort það yrði að gagni.
Það sem tiltækilegast er að gera til varnar þess-
um skemdum er að gera garð meðfram Skálm, beggja
vegna við gömlu Jórvikurhryggi. Garðurinn eða þessi
fyrirhleðsla mundi hafa þau áhrif, að vatnið hætti að
ilæða yfir engjarnar, sem liggja með henni að sunnan,
og með því hindra, að þær eyðileggist meira en orðið
er. Þarf þessi garður að verá um 480 iaðma eða 900
metra á lengd til að byrja með. En ef vel væri, þyrfti
síðar meir að lengja garðinn, bæði austur og vestur,
jafnvel vestur undir Skálmabæjarhrygg, og alla leið austur
á Fljótsdælnabakka. — Kostnaðurinn áætlaður 2000 kr.
Eftir ósk Eyjólfs sýslunefndarmanns Guðmunds-
sonar í Hvammi á Landi mældi eg lauslega, hvort vatn
mundi nást úr Þjórsá til áveitu á sandana á Landinu.
Við mælinguna kom það í ljós, að hallans vegna mundi
það kleift, en að öðru leyti væri það miklum erfiðleikum
undirorifið. Vatnið þyrfti að leiða'frá upptökum árinnar,
skamt frá Yrjum, að Skarðsfjalli, 2400 metra langan veg,
um hraun, þar sem mjög erfitt mundi að grafa. Dýptin
á skurðinum þyrfti að vera um 2—4 metra. — Óneitanlega
hlyti það að hafa mikla þýðingu fyrir Landið, ef auðið
væri að ná vatni úr Þjórsá til áveitu á sandana þar og
græða þá upp. En hætt er við, að það verk mundi
reynast erfitt og kostnaðarsamt.
Bergsteinn hreppsnefndaroddviti Ólafsson á Árgils