Búnaðarrit - 01.01.1912, Page 131
BÚNAÐARRIT.
127
Þessi bú hvert fyrir sig hafa síðasta árið, er skýrslan
getur um, flutt út yfir tuttugu þúsund pund af smjöri.
Næsta skýrsla hér á eftir skýrir frá félagatölu bú-
anna, starfstíma þeirra, kúgildafjölda, rjómamagni og
hvað félagsmönnum hefir verið greitt fyrir smjörið til
jafnaðar.
Um reksturskostnað smjörbúanna er það að segja,
að hann er mjög misjafn. Mestui er hann tiltölulega
hjá litlu búunum, eða þeim búum, sem framleiða minna
smjör. Hefir innanlands-kostnaðurinn hjá þeim oft orðið
20—30 aurar á hvert smjörpund. Hjá rjómabúi Reyk-
dæla, sem þó er með minni búunum, hefir þessi kostn-
aður samt verið fremur lágur, vanalega 11—14 aurar á.
hvert pund.
Auk þessa er oft alimikið ósamræmi í því, hvað’
talið er til reksturskostnaðar hjá búunum í heild sinni.
Fyrir því er minna á þeim tölum að byggja til saman-
burðar en ella væri.
Sumstaðar er t. d. rjómaflutnings-kostnaðurinn talinn
til reksturskostnaðar, og stundum er hann talinn það
annað árið og ekki hitt. Fer það eftir þvi, hvernig um
semst i byrjun starfstímans með flutning rjómans í það
og það sinnið. Flest smjörbúafélögin halda þessum
kostnaði utan við rekstur búsins, og jafna honum niður
sérstaklega. Sum búin teija til reksturskostnaðar
viðgerðir á skálunum. Hitt á sér einnig stað, að þeim
kostnaði jafni félagsmenn á sig aukalega, að minsta
kosti vinnunni og flutning á efni, ef um það er að ræða.
Þá er smjörflutnings-kostnaðurinn afar-misjafn, sem gefur
að skilja, og fer hann meðal annars eftir því, hvað langt
er að flytja smjörið. Þessum kostnaði, eða flutningi
smjörsins, er sumstaðar jafnað niður á félagsmenn, og
er reksturskostnaðinum að því leyti óviðkomandi.
Skýrslan sjálf lítur þannig út: