Búnaðarrit - 01.01.1912, Page 202
198
BÚNAÐARRIT
fyrsta árs eftirtekjuna. Hafi hún ekki borgað áburð og
og fyrirhöfn, hefir áburður strax verið dæmdur óalandi
og óferjandi.
Siðast í áburðartöflunni má sjá, að 1 kg. af klór-
kalíum hefir meira en fjórborgað sig á 4 árum. Það
sýnir ijóslega, hvernig tilbúinn áburður, heppilega notaður,
getur verið arðsamur, og er það auðskilið, þegar við er-
um svo heppnir að geta upplylt eitt af aðalskilyrðum lífs-
eðlisfræðinnar, er hljóðar þannig: Yöxtur allra lifandi
vera takmarkast af því nauðsynlega næringarefni, sem
hlutfallslega eftir þörfum er minst til af í fæðunni.
Samkvæmt þessum tilraunum kemst Bastian Lar-
sen að þeirri niðurstöðu, að Norðmenn hafi ekki nógan
búpeningsáburð, því hann eggjar þá mjög á að nota
tilbúinn áburð, og að þeir noti búfjáráburð sinn hringl-
andi vitlaust, ef þeir fari að eins og við gerum, bera
hann ofan á völlinn, i staðinn fyrir að alca honum ofan
í völlinn, plægja hann niður.
Það er næsta ótrúlegt, að Larsen og aðrir beztu
menn Norðmanna sendu flugrit út um alt land, er þeir
nefna „Notaðu tilbúinn áburð“, ef þeir væru ekki sann-
sannfærðir og vissir um talsverðan hagnað af áburðar-
notkuninni. Enda áréttu þeir þessa skoðun sina í hverri
ársskýrslu landbúnaðarháskólans, sem að mörgu leyti er
fróðleg og merkileg.
Eg vil leyfa mér að þýða eitt þetta ávarp, er norsku
tilraunamennirnir sendu löndum sínum, og hljóðar það
þannig:
„Við þessar 93 tilraunir, sem gerðar hafa verið með
áburð ofan á grasrót í ýmsum hlutum landsins, hefir
fengist eftirfylgjandi árangur:
1. Svo það svari kostnaði að bera ofan á, þarf ávalt
að vera þétt grasrót. Þar sem svo er, ætti að nota ein-
hverjar þær áburðartegundir, sem hér fara á eftir, og
bera þær á svo fljótt sem unt er, eftir að snjó hefU'
tekið upp. Áburðinn skal bera á annaðhvort ár, eða