Búnaðarrit - 01.01.1912, Side 310
306
BÚNAÐARRIT
gaumur gefinn. Það varð því að ráði milli mín og
Búnaðarfélags íslands, að eg skyldi taka þau af þessum
efnum, er eg gæti náð í, athuga þau og gera tilraunir
með, að hvaða gagni þau geta orðið. Eg hef nú athugað
mörg af þessum efnum, en hér verður að eins getið
fáira, er mér hafa virzt bezt. Hinna, er miður hafa
reynst, og þau eru miklu fleiri, tel eg ekki þörf að
minnast að svo komnu.
Efnum þeim, er eg hef athugað, má skifta í tvo aðal-
flokka: 1. þau efni, sem blandað eru i steinsteypuna
sjálfa, og 2. þau efni, sem borin eru utan á hana eftir
á til að þétta yfirborð hennar.
Af fyrri flokknum skal eg að eins nefna aquabar,
ceresit, vatnshelt sternsement og leir.
Bezt reyndiBt aquabar. Efni þetta er ljósleitt á lit
og leðjukent, líkast nokkuð linri sápu. Enda reyndist
svo við rannsókn, að það er einskonar sápa, er virðist,
búin til úr óvönduðu lýsi eða öðrum, fremur ódýrum,
illa hreinsuðum feititegundum. Aquabar er notað þannig,
að það er hrært út í vatnið, sem haft er í steinsteypuna.
Leysist það all-fljótt upp, en upplausnin er þó ekki tær
heldur mjólkurlituð. Bezt er, þegar aquabar er leyst
upp, að hræra það fyrst saman við lítið af vatni, svo
það verði líkt þunnum graut, og síðan bæta vatni í,
unz upplausnin er mátulega sterk.
Mátulegt er að upplausnin sé að styrkleika 2u/o, eða
með öðrum orðum, að í hverjum 100 litrum (pottum)
af vatni sé leyst upp 2 kilógrömm (4 pund) af aquabar.
Þessi upplausn er svo notuð á alveg sama hátt og vatn
er annars notað í steinsteypu. Verðið hefir verið hér í
Reykjavík 3,50 krónur fyrir kílógrammið. Hefir Bene-
dikt bæjarverkfræðingur Jónasson og ef til vill fleiri
tekið að sér að útvega það. Vilji maður gera áætlun
um, hve mikið þurfi af aquabar í eitthvert tiltekið hús,
þarf ekki annað en reikna út teningsmál veggjanna og
ætla svo 6—7 kilógrömm af aquabar í hvern tenings-