Árbók Háskóla Íslands - 01.01.1956, Blaðsíða 10
8
plötum með úrvalsverkum í tónlist. Tæki þessi hafa verið sett
upp hér í sambandi við hátíðasalinn og verða tekin í notkun
innan skamms. Þá hefir háskólanum borizt annað mjög vand-
að tæki til hljómlistarflutnings um hendur upplýsingaþjónustu
Bandaríkjanna hér til nota í stúdentagörðunum, og er ætlunin
með tækjum þessum að gefa háskólanemendum kost á að
kynnast úrvals tónlist að fomu og nýju. Ég vil við þetta tæki-
færi bera fram þakkir vegna háskólans til allra þeirra, sem
hér hafa átt hlut að. Ég er sannfærður um, að hljómlistartæki
þessi muni verða skólanum og nemendum hans til mikils gagns
nú og í framtíðinni. Þá hefir háskólanum borizt að gjöf frá
þýzka sendiráðinu mjög vandað Linguaphone-námskeið í þýzku.
Ennfremur var háskólanum afhent við sérstaka athöfn, sem
hér fór fram í sumar, hið nýja Linguaphone-námskeið í íslenzku,
er þeir sömdu próf. Stefán Einarsson og próf. Bjöm Guðfinns-
son. Námskeiðið var gjöf frá Linguaphone-stofnuninni í London
og afhent af forstjóra hennar, Miss Murphy og Bimi Bjöms-
syni, stórkaupmanni í London. Er háskólinn þakklátur fyrir
þessar góðu gjafir, er munu koma að miklum notum við kennslu
hér í háskólanum.
Næst vil ég minnast þess, að á siðustu fjárlögum var fjár-
veiting til hinnar islenzku vísindalegu orðabókar hækkuð um
50 þús. kr., en vegna þessarar hækkunar hefir einum manni
verið bætt við starfslið orðabókarinnar, cand. mag. Jóni Aðal-
steini Jónssyni. Þá veitti Alþingi 50 þús. kr. til vísindastarf-
semi á þessu ári. Þessu fé var, að ráði tilkvaddra manna af há-
skólans hálfu, þeirra próf. Trausta Einarssonar og próf. Einars
Ólafs Sveinssonar, með samþykki háskólaráðs og menntamála-
ráðherra, skipt milli tveggja eðlisfræðinga, Ara Brynjólfssonar
og Magnúsar Magnússonar, til þess að vinna að tilteknum verk-
efnum í eðlisfræði. Hingað til hefir oft skort tilfinnanlega ein-
hverja slíka aðstoð við unga vísindamenn, er nýlokið hafa prófi
og enn ekki fengið starf við sitt hæfi, í því skyni að gefa þeim
tækifæri til að fullkomna verk, sem þeir hafa fengizt við meðan
á námi stóð, eða er sérstaklega hugleikið í sambandi við fyrri
athuganir. Er þess að vænta, að framhald verði á þessari að-