Árbók Háskóla Íslands - 01.01.1956, Blaðsíða 130

128
desember. Varð því að ráði, að Laxness talaði ræðuna inn á segul-
band áður en hann færi, og ræðunni yrði síðan útvarpað úr útvarps-
sal á fullveldisdaginn. En þessi tilhögun kostaði hins vegar það, að
láta varð göngu stúdenta 1. desember falla niður. Kom og í ljós, að
veður hefði hindrað gönguna hvort eð var.
Stúdentaráð samþykkti samhljóða með 9 atkvæðum að helga há-
tíðahöldin 1. desember sjálfstæðismálunum sem fyrr. En nokkur
ágreiningur var um það í Stúdentaráði, hversu mikill þáttur í sjálf-
stæðismálunum varnarmálin skyldu teljast. Samþykkti Stúdentaráð
með 5 samhljóða atkvæðum það álit, að baráttan gegn dvöl hins er-
lenda hers í landinu væri „meginþáttur sjálfstæðisbaráttu þjóðarinnar
nú“. Fulltrúar Vöku í Stúdentaráði sátu hjá við atkvæðagreiðslu um
þetta álit. Ekki var óskað eftir almennum stúdentafundi um þessi
mál, svo sem venja hefur verið til undanfarin ár, og bar lítið á deilum
í sambandi við undirbúning hátíðahaldanna eftir að Stúdentaráð
hafði markað stefnuna í málum þessum á þann hátt, er fyrr frá
greinir.
Hátíðahöld og skemmtanir.
Hátíðahöldin 1. desember hófust með guðsþjónustu í kapellu há-
skólans kl. 11 f. h. Annaðist Kristlegt stúdentafélag undirbúning
hennar að þessu sinni. Séra Sigurður Pálsson predikaði.
Kl. 14 flutti Halldór Kiljan Laxness ræðu úr útvarpssal. Kl. 15,30
hófst samkoma í hátíðasal Háskólans. Formaður Stúdentaráðs flutti
ávarp. Sigurkarl Stefánsson menntaskólakennari flutti ræðu, Ásgeir
Beinteinsson lék einleik á píanó, dr. Björn Sigfússon háskólabóka-
vörður flutti ræðu og Jón Sigurbjörnsson söng einsöng. Forseti ís-
lands heiðraði samkomuna með nærveru sinni.
Um kvöldið var hóf að Hótel Borg. Dr. Sigurður Þórarinsson flutti
ræðu, Smárakvartettinn söng og Karl Guðmundsson leikari skemmti.
Að lokum var stiginn dans. Meðal gesta í hófinu voru forsetahjónin,
herra Ásgeir Ásgeirsson og frú Dóra Þórhallsdóttir. — Hátíðahöldin
fóru öll mjög vel fram.
Stúdentaráð gaf út Stúdentablað 1. desember sem venja hefur verið
til. Ritnefnd skipuðu: Einar Sigurðsson, stud. mag., formaður, Jón
Haraldsson, stud. odont., Björgvin Vilmundarson, stud. oecon., Örn
Bjamason, stud. jur., og Magnús Þórðarson, stud. jur. Á forsíðu blaðs-
ins var mynd af Halldóri Kiljan Laxness, gerð af Sigurði Sigurðssyni,
og Tómas Guðmundsson skáld ritaði grein um skáldið. Seldist blaðið
upp og í ljós kom, að upplagið hefði mátt vera meira.
Áramótafagnaður var haldinn í Þjóðleikhúskjallaranum. Jón Har-