Árbók Háskóla Íslands - 01.01.1956, Blaðsíða 136
134
hverjum skilyrðum aðild okkar að þeirri stofnun yrði bundin. Fór
nefndin þess á leit, að inntaka okkar yrði tekin til athugunar á
stjórnarfundum SSTS í sumar. Hefur málaleitun okkar verið frábær-
lega vel tekið í Höfn, og var Stúdentaráði boðið að senda sér að kostn-
aðarlausu fulltrúa á þing samtakanna í Kaupmannahöfn 13. og 14. »
október. Skyldi þar endanlega gengið frá þessum málum. Standa
vonir til þess, að Stúdentaráðið fái aðild að SSTS. Yrði það íslenzk-
um stúdentum án efa til mikilla hagsbóta, að geta á komandi ár-
um notið fyrirgreiðslu og ódýrra ferðalaga á vegum þessara sam-
taka. En að sjálfsögðu verða íslenzkir stúdentar jafnframt að vinna
að því að ná góðum samningum við íslenzk flugfélög og skipafélög
um hagkvæmar ferðir milli íslands og meginlandsins.
Þar sem stúdentar munu almennt lítt kunnugir eðli og starfi Scandi-
navian Student Travel Service, þykir mér rétt að gera í stuttu máli
nokkra grein fyrir því. — Árið 1950 stofnuðu stúdentasamtök í
Danmörku og Svíþjóð samvinnunefnd, sem skyldi stuðla að ódýrari
og hagkvæmari ferðalögum stúdenta þessara landa erlendis. Norska
stúdentasambandið gerðist aðili að samvinnunni hinn 18. febrúar 1951
og er SSTS talið stofnað þann dag. Finnar bættust í hópinn 12. apríl
árið 1952.
Markmið SSTS hefur frá upphafi verið þríþætt:
1) Að efla samvinnu stúdenta á Norðurlöndum. ,
2) Að gangast fyrir ódýrum og hagkvæmum ferðalögum norrænna
stúdenta til annarra landa.
3) Að aðstoða stúdenta við ferðalög um Norðurlönd.
Samtökin hafa eflzt og vaxið ár frá ári, og eru þau nú án efa vold-
ugustu samtök sinnar tegundar í Evrópu og þótt víðar væri leitað.
Á þeirra vegum ferðuðust árið 1955 9064 menn með flugvélum og
6569 í járnbrautarlestum, og búizt er við, að í ár verði farnar 400
flugferðir og þátttakendur í þeim muni verða um 12000.
Samtökin hafa eigin skrifstofur víðs vegar um Evrópu, m. a. í
Aþenu, Barcelona, Genf, London, Múnchen, París, Róm og Feneyjum,
auk þess í New York og víðar.
Aðalstöðvar SSTS eru í Höfn, eins og áður hefur verið skýrt frá.
Haukur Helgason.
Lánasjóður stúdenta.
Tala stúdenta, sem sóttu um lán úr Lánasjóði stúdenta haustið
1955, var 88, en um vorið 1956 töldust þeir 93. í bæði skiptin reyndist
unnt að veita öllum umsækjendum nokkra úrlausn og námu úthlutuð
lán kr. 292.000,00 og kr. 311.000,00.