Árbók Háskóla Íslands - 01.01.1956, Blaðsíða 105

103
kaffi. Næst var komið við í Hveragerði og horft á gos úr bor-
holu. Komið til Reykjavíkur kl. 20.
Þ'tiðjudagur 2Jf. júlí.
Fundur hófst kl. 10. Fundarstjóri var prófessor A. C. O’Dell,
M. Sc. Erindi fluttu prófessor Ólafur Lárusson: On Grágás, the
Oldest Icelandic Codes of Law, og dr. phil. Ole Widding: Alcuin
and the Icelandic Code of Law. Annar fundur hófst ki. 14 og
var prófessor Ture Johannisson, fil. dr., fundarstjóri. Erindi
fluttu prófessor Björn Hougen: The Textiles from Oseberg og
dr. D. M. Wilson: A Group of Penannular Brooches of the Viking
Period. Forseti Islands tók á móti fundarmönnum á Bessastöð-
um frá kl. 17—19 um kvöldið.
Miðvikudagur 25. júlí.
Ferð til Skagafjarðar. Farið var í tveimur flugvélum frá Flug-
félagi Islands og lagt af stað af flugvellinum kl. 9. Á Sauðár-
króki var stigið í bifreið, sem flutti fundarmenn á hinn forna
þingstað hjá Garði í Hegranesi. Síðan var ekið aftur á Sauðár-
krók, þar sem byggðarsafnsnefnd Skagafjarðar bauð fundar-
mönnum til hádegisverðar í Hótel Villa Nova. Að því loknu var
ekið að Glaumbæ og bærinn og byggðarsafnið þar skoðað.
Þaðan var ekið að Reynistað, og bauð Jón alþingismaður Sig-
urðsson öllum til kaffidrykkju af mikilli rausn. Þaðan var ekið
að Víðimýri og kirkjan skoðuð, en síðan ekið þvert austur
yfir Hólminn og sem leið liggur norður Blönduhlíð að Hólum.
Þar var kirkjan skoðuð og prófessor Magnús Már Lárusson lýsti
sögu kirkjunnar, eins og hann gerði einnig í Víðimýrarkirkju.
Á Hólum var snæddur kvöldverður, en síðan ekið aftur til Sauð-
árkróks og komið á flugvöllinn þar kl. 22. Nokkuð dróst að
síðari flugvélin kæmi, og lentu síðustu þátttakendur ferðarinnar
á Reykjavíkurflugvelli um miðnætti. Leiðsögumenn í Skagafirði
voru Jón Sigurðsson alþm., Árni Sveinsson bóndi, Kálfsstöðum,
og séra Helgi Konráðsson prófastur. Veður var svalt á norðan
og skýjað, og naut fegurð Skagafjarðar sín miður en skyldi.
Þátttakendur voru 36 í ferðinni.