Stúdentablaðið - 01.05.2008, Blaðsíða 6

001. Ásdís Jóna tekur við verkefnastryrk FS i febrúar síðastliðnum. Takið eftirgervihönd Hauks, stjórnarformanns FS.
..GULROT FYRIR
RANNSÓKNIR*6
Ásdís Jóna Sigurjónsdóttir hlaut verkefnastyrk
FS þann 4. mars síðastliðinn fyrir BA ritgerð sína í
stjórnmálafræði. „Leiðbeinandinn minn sagði mér frá
styrknum. Ég er bara búin að vera góð við mig, búin að
fara einu sinni til London og svona," segir Ásdís.
Verkefni Ásdísar fjallar um hvort kynferði hafi áhrif
á árangur fólks í prófkjörum stjórnmálaflokka og er
mikilvægt framlag til umræðunnar um stöðu kvenna
í íslenskum stjórnmálum. „Ég var að skoða það hvort
kyn hefði eitthvað með árangur frambjóðenda að
gera í prófkjörum; en niðurstaðan var að kyn hafði
ekki marktæk áhrif á það sæti sem fólk stefndi að á
framboðslista stjórnmálaflokka.” Hún bætti því við að
hún hefði ekki tekið neinn sérstakan flokk fyrir heldur
aðeins litið á heildina. „Það sem kom mér svolítið á
óvart var að í síðustu kosningum voru færri konur
sem buðu sig fram hjá Samfylkingunni. Þær eru mjög
virkar að koma fólkinu sínu á rétta staði en það voru
færri konur sem tóku þátt í prófkjörinu sjálfu" segir
hún. Hún safnaði gögnum um prófkjör allra þeirra
flokka sem héldu prófkjör og frambjóðendur þeirra í
aðdraganda síðustu tveggja kosninga til Alþingis.
Ásdís fékk mikla fjölmiðlaumfjöllun í kjölfar þess að
hljóta verkefnastyrk FS. Meðal annars kom hún fram
í Islandi í dag til að ræða verkefnið sitt. „Eins og ég
sagði við starfsfólk stjórnmálafræðiskorar, þá þyrfti
helst að halda svona námskeið fyrir okkur að koma
fram í fjölmiðlum svo maður gæti tjáð sig á einhvern
almennilegan máta,” segir hún hlæjandi. Ásdís lítur á
sig sem jafnréttissinna en fékk misjöfn viðbrögð frá
konum, sérstaklega femínistum. „Femínistar höfðu
samband við mig og spurðu hvers vegna ég væri að gera
þessa rannsókn en ég svaraði þeim að ég væri bara fara
i gegnum tölfræðina. Ég skildi ekki hvernig ég væri að
gera konum óleik með því að skoða þessi mál.”
Leiðbeinanda Ásdísar, Indriða H. Indriðasyni, leist
svo vel á verkefnið að hann og Ásdís vinna nú að því að
stækka það. „Við sóttum um styrk til Jafnréttissjóðs
þannig nú er ég að fara skoða breiðara tímabil prófkjara
til þess að rannsaka hvernig þetta var.” Hún segir að
rannsóknin verði í kjölfarið persónulegri því þau
ætli að reyna senda spurningalista til frambjóðenda
í síðustu prófkjörum. Verkefnið kemur síðan út sem
skýrsla á vegum Jafnréttissjóðs.
Hún segir að styrkir séu nauðsynlegir fyrir fólk til
þess að gera verkefnin vel. „Fólk er alltaf að horfa á
einkunnir en það sem skiptir mig máli er að gera
verkefnin heilshugar. Það er mikil gulrót að fá styrk,
akademískt samfélag byggist á því að ef þú vilt fá
góðar rannsóknir fram verðurðu að hafa bakhjarl svo
fólk geti einbeitt sér að verkefnunum sem það vinnur
að. Það er frábært hjá FS að bjóða upp á svona styrk
og ég kann virkilega vel að meta það. Það er ótrúlega
skemmtilegt að svona mörg ólík verkefni hafi fengið
styrk.”
Það má því með sanni segja að styrkurinn veiti
verkefnum byr undir báða vængi. Viðurkenningin
kemur þeim á framfæri, hjálpar ögn til við að greiða
úr námslánaflækjunni, og veitir frambærilegum
lokaverkefnum verðskuldaða athygli. Markmiðið
með styrkjunum er að hvetja stúdenta til markvissari
undirbúnings og metnaðarfyllri lokaverkefna. Hver
styrkur nemur um 150.000 en verkefnin sem hlotið
hafa styrkinn eru jafn ólík og þau eru mörg. Guðrún
Björnsdóttir, framkvæmdastjóri FS, segir að það
sé tilviljun að verkefnin sem hlotið hafa styrk séu
svona ólík. „Við förum yfir allar umsóknir, þannig
við komum að hreinu borði við hverja styrkveitingu.
Það er því sérstaklega skemmtilegt að sjá hve ólík
verkefni urðu fyrir valinu.” Verkefnin sem hlotið
hafa styrk undanfarin ár eru allt frá verkefnum
í fornleifafræði, umhverfisfræði og guðfræði til
flókinna stærðfræðiformúlna.
Verkefnastyrkir FS eru veittir þrisvar á ári. Fjórir
hljóta styrki vegna BS eða BA verkefna og eru tvenns
konar lokaverkefni styrkhæf, þ.e. lokaverkefni og
verkefni í greinum þar sem nemar vinna ekki eiginleg
lokaverkefni. Einnig eru meistara- og doktorsverkefni
þeirra sem útskrifast hafa á liðnu skólaári styrkhæf.
Verkefnastyrkur FS verður næst veittur í júní 2008 en
þá verða tveir styrkir veittir fyrir BA-, BS-, kandídats-
eða embættisprófsverkefni og einn fyrir meistara- eða
doktorsverkefni. Umsóknum skal skilað fyrir klukkan
16 fimmtudaginn 29. maí næstkomandi. Nánari
upplýsingar er að finna á www.fs.is. ■
1
o