Stúdentablaðið - 01.05.2008, Blaðsíða 24

ALLT SNÝST ÞETTA
UM JAFNVÆGI
Wicca trúin hefur fest sig í sessi á íslandi og iðkendur
hennar eru nú tvö til þrjú hundruð. Galdrar skipa
veglegan sess í Wicca en eru ekki skilyrði. Aðalatriðið
er að lifa í sátt við náttúruöflin, sjálfan sig og hinar
himnesku verur, Guðinn og Gyðjuna.
Wicca er nýheiðin trúarhreyfing og má finna iðkendur
hennar í öllum heimshornum. Óvíst er hvenær hún
kviknaði nákvæmlega en telja má að hún hafi komið
fram á sjónarsviðið í núverandi mynd í kringum
1920. Það var þó ekki fyrr en upp úr 1954 að hún náði
vinsældum en þá gaf Gerald Gardner, sem sumir kalla
stofnanda trúarinnar, út bókina Witchcraft Today þar
sem hann útskýrir lykilatriði trúarinnar. Talið er að
á heimsvísu séu iðkendur hennar um átta hundruð
þúsund.
HVAÐ ERWICCA?
Wicca snýst um jafnvægi milli góðs og ills, milli
náttúruaflanna og ekki síst milli karla og kvenna. Hún
hefur einn Guð og eina Gyðju og eru þau táknræn fyrir
þetta jafnvægi. Þungamiðja Wicca er trúin á karma:
„Það sem þú gerir, gott eða illt, kemur til þín þrefalt
til baka.“ Iðkendur Wicca kalla sig gjarnan nornir,
konur og karlar, en það eru þó til nornir sem ekki eru
Wicca og eins Wicca iðkendur sem ekki eru nornir. í
Wicca er lögð áhersla á umburðarlyndi og kærleika
og að mikilvægt sé fyrir iðkendur að láta hana ná til
allra þátta lífs síns. Margar hefðir eru innan Wicca og
hefur hver sín sérkenni. Þar má nefna gardneríska,
alexandríska og úrvalsstefnu. Sú síðastnefnda
nær yfir þá sem taka það sem þeir vilja úr Wicca og
samrýma það öðrum stefnum eða trúarbrögðum, til
dæmis kristni.
Wicca iðkendur trúa þvi að með göldrum geti þeir
haft áhrif á raunveruleikann. Galdrar eru teknir mjög
alvarlega og þeim er ekki tekið af léttúð. Iðkendur
segja að forðast beri að leika sér að þeim þvi galdrar séu
tvíeggjað sverð sem trufli orkuflæðið í alheiminum.
Galdur sé fyrst og fremst til heilunar og styrkingar.
Hann er ekki síst notaður til breyta lífi iðkenda til
hins betra og til að ná valdi yfir ótta, ávana og öðrum
neikvæðum áhrifum. Mikilvægt er að iðkendur hafi
góða þekkingu á göldrum og markmið galdursins séu
skýr því erfitt er að stjórna galdri. Til eru margar gerðir
af galdri og má nefna: hnútagaldur, eldhúsgaldur,
veðurgaldur, kertagaldur, söngvagaldur, drekagaldur,
sjávargaldur og eldgaldur.
HVAÐ MEÐ FRAMHALDSLÍF?
í wicca felst trú á endurfæðingu. Eftir dauðann fer
maður í sumarlandið þar til maður endurfæðist.
Sumar hefðir hafa þó annars konar kenningar. Þar
sem framhaldslífið fer eftir því hvernig maður lifir lífi
sínu reyna wicca iðkendur að gera sem mest úr lífinu
og lifa sem heiðarlegast svo að næsta líf verði sem best.
Það er ekki markmiðið að losna úr þessari hringrás
líkt og tíðkast hjá sumum öðrum trúarbrögðum sem
hafa endurfæðingu sem þungamiðju.
Átta sinnum á ári eru sabbat hátíðir. Þær skiptast í
æðri sabbata og lægri. Þá er haldið upp á náttúruna
og hringrás hennar. Haldið er upp á allar sólstöður og
jafndægurogtilheyraþessarhátíðirlægrisabbötunum.
Sumarsólstöðurnar heita Litha, vetrarsólstöðurnar
Jól (Yul), haustjafndægrin Mabon og vorjafndægrin
Ostara. Saman mynda þau árshjólið. Æðri sabbatar
eru haldnir eftir gömlum keltneskum hefðum. Imbolg
er í febrúar og þá er haldið upp á að vorið sé að koma.
Hérlendis er þetta þó ekki stór hátíð. Á Imbolg hugsar
fólk gjarnan um hvort það vilji breyta einhverju í lífi
sínu eða bæta. Þetta er undirbúningur fyrir árið sem
er framundan og oft fer fram vorhreingerning þar sem
húsið er þrifið hátt sem lágt og það hreinsað andlega.
Beltane er 30. apríl og er þá haldið upp á að sumarið
sé að koma og allt að verða bjartara. Þetta er
frjósemishátið enda er lífið alls staðar að kvikna.
Uppskeruhátíðin Lammas er haldin 31. júlí. Haldið
er upp á frjósemi náttúrunnar og gjafir hennar.
Sömuleiðis er persónulegum árangri fagnað enda
uppsker maður svo sem maður sáir. Samhain er haldin
31. október og telst vera gamlárskvöld hjá wicca með
1. nóvember sem fyrsta dag ársins. Samhain er endir
sumars og er umlukin dulúð. Þá eru látnir ástvinir
heiðraðir og haldið er upp á það að þeir hafi haldið
áfram. Gleðin er í fyrirrúmi en ekki sorgin. Sumir
setja myndir af horfnum ástvinum á altarið sitt
og jafnvel disk með mat líka. Á þessum tíma er líka
auðvelt að ná sambandi við andaheiminn. Þess má
geta að spænskumælandi þjóðir halda gjarnan upp á
Dag hinna dauðu 31. október og er þemað hið sama,
auk þess sem Halloween hátíðin er af sama meiði.
Wicca segir árstíðirnar móta okkur. Við fylgjum takti
náttúrunnar eins og dæmin sanna. Við fyllumst frekar
skammdegisþunglyndi og leti í myrkri veturs en orku
og bjartsýni með hækkandi sól. Það sé því best að vera
meðvituð um áhrif árstíðanna í okkar eigin lífi. Við
erum hluti af náttúrunni en eigum hana ekki. ■
OOl.Alexcmdra Diljá, Wicca iðkandi
fgegnumtíðinahafavissirhlutirveriðtengdirnornum,
eins og töfrasproti og stór hattur. Wicca nornir nota
ekki hatta en þær nota marga aðra forvitnilega hluti.
SPROTINN
Nornir hafa alla tið verið tengdar við nornahatta og
töfrasprota. Nútima nornir ganga hins vegar ekki um
með stóra, svarta hatta, en sprotinn er liklega eitt af
mikilvægustu verkfærum nornarinnar. Sprotinn er
notaður til þess að beina orku út frá nominni, og er
þess vegna einskonar framlenging á norninni. Hann
er oft notaður til þess að leggja hring, þvi hann hreyfir
og færir orku til. Hefðbundinn sproti er úr viði, en
margar nornir kaupa sér tilbúinn sprota úr steinefni
eða kristal.
RÝTINGURINN (ATHAME)
Rýtingurinn og sprotinn eru báðir notaðir til þess
að leggja hring. Gagnsemi þeirra er þó ólík því
rýtingurinn er til að særa fram og hrekja í burtu
orku. Hefðbundinn rýtingur er tvíeggja blað með
svörtu skafti, en það er þó mjög misjafnt. Þessi
rýtingur er ekki notaður til þess að skera hluti eins og
jurtir og kerti, aðrir hefðbundnari hnifar em notaðir
til þess.
BIKARINN
Bikarinn hefur hagkvæman tilgang en hann er notaður
sem drykkjarílát. Við athafnir er gjarnan drukkið vín
eða vatn og kemur bikarinn sér þá vel. Hann er líka
notaður til að safna, halda oggefa orku. Hefðbundinn
bikar er úr silfri, því silfur einkennir tunglið og þar
með gyðjuna, og tunglið ræður flóði og fjöru hafsins.
Bikarar noma eru þó oft úr einhverju öðm efni, svo
sem gleri eða leir.
FIMM ARMA STJARNAN
Þessi hlutur er yfirleitt diskur prýddur fimm arma
stjömu innan í hring. Þegar stjarnan er með hring
utan um heitir hún „pentade” á ensku en annars
„pentagram“. Stjarnan er notuð í athöfnum, og sumar
nornir leggja mat og vín ofan á hana og borða það svo
eftir athöfnina. Stjarnan táknar höfuðáttirnar og
frumöflin og yfirráð andans yfir efninu.
POTTURINN
Potturinn er notaður til að brenna í jurtir, reykelsi,
kerti og fleira en lika til þess að brugga seyði. Hann
er þvi yfirleitt úr jámi þar sem hann þarf að þola eld
og mikinn hita.
REYKELSI, REYKELSISSTANDUR & KERTI
Þessa þrjá hluti er að finna í eigu nánast allra norna.
t göldrum eru reykelsi og jurtir mikilvægur þáttur
og hvoru tveggja er brennt á reykelsisstandinum.
Reykelsi em notuð til að hreinsa herbergi en spila líka
hlutverk í athöfnum. Kerti táknar fmmaflíð eld og
kerti er að finna í mörgum göldrum.
ÁHUGAVERÐIR TENGLAR:
www.123.is/seidkona
www.nomabudin.is
www.urdarbrunnur.is
www.vanadis.is
wiccaiceland.freeforums.org