Búnaðarrit - 01.01.1929, Page 13
BÚNAÐARRIT
7
IV Metúsalem Stefánsson búnaöarmálastjóri fiutti
erindi um ræktun. Sagði hann í fám orðum ágrip af
sögu jarðræktarinnar, skýrði frá hvernig nauðsyn og
þörf hefði kent mönnunum og knúið til að rækta
jörðina, svo að hún gæti veitt þeim lífsviðurværi og
aðrar nauðsynjar. Því næst skýrði hann frá, hvernig
jarðræktarstarfsemin heíði þroskast og aukist fyrir vax-
andi staifsemi og manndáð, einkum á síðustu tímum,
þrátt fyrir afturför, sem hefði um skeið orðið í þessum
efnum, frá því sem var á elstu t.ímum hjer á landi. En
þrátt fyrir þetta væri þó jarðræktin enn skamt á veg
komin og þyrfti að aukast að miklum mun. Taldi ræðu-
maður mikla möguleika til þess að auka jarðræktina,
ef áhugi, dáðrekki og dugnaður væri hjá fólkinu. Leiddi
hann fundarmönnum fyrir sjónir, hverjar -afleiðingar það
hefði fyrir landbúnaðinn og hvað það kostaði hvern
bóndann, ef unnið væri að túnrækt fram til 1943, með
það fyrir augum að stækka túnin árlega um 5—10°/o
af stærð túnanna, eins og hún var 1924, og bað þá að
hugleiða þegar heim kemur, hvort þeir finni sjer ekki
fært að setja sjer það takmark og strengja þess heit,
að vinna að því marki og standa við heitið.
Var erindið hið fróðlegasta og bygt á ítarlegum at-
hugunum og mjög hvetjandi. — Var gerður góður
rómur að erindi þessu af fundarmönnum.
V. Hannes Jónsson dýralæknir flutti erindi um bún-
aðarskilyrði og landkosti í þeim hjeruðum, sem Búnaðar-
samband Dala og Snæfellsness nær yfir. Sýndi fram á
góða landkosti og mikla möguleika til búnaðarframfara,
enda hefði og á síðari árum miklar framfarir átt sjor
stað og fullkomin bylting í jarðræktaraðferðum. Sýndi
og fram á, að nauðsyn bæri til að endurskoða ræki-
lega fóðurbirgða-löggjöflna, á þann hátt, að fyrirbygt
verði, að slík vanhöld eigi sjer stað, sem oft hefði orðið,
bæði fyrir fóðurskort og — engu síður — af óhollu fóðri.
Talaði um fólksstrauminn úr sveitunum — einnig í þess-