Búnaðarrit - 01.01.1929, Page 25
BTJNAÐARRIT
19
starfi jarðabóta-ráðunautar og sandgræðsluvarðar, svo og
umsjón með bókasafni fjelagsins; en hinn (M. St.) hefir
á hendi umsjón með aðal-skrifstofu fjelagsins, aðal-
eftirlit með öllum útborgunum, umsjón og eftirlit með
stavfi ráðunauta fjelagsins, annara en jarðabóta-
ráðunautar; hann hefir og á hendi ritstjórn „Búnaðar-
ritsins" og umsjón með annari bókaútgáfu fjelagsins.
Þá var og ákveðið að stjóinarfundi skyldi að jafnaði
haida með búnaðarmálastjórunum hvorum fyrir sig, eftir
því sem við á í hvert sinn, eftir málefnum, sem fyrir
liggja.
Af sjerstökum störfum fyrir fjelagið eða landbúnað-
inn að öðru leyti, sem stjórnin (og ráðuneytið) hafa falið
einstökum mönnum eða nefndum, má nefna :
Vorið 1927 skipaði stjórnin Siguið búnaðarmálastjóra
í nefnd með þeim fiú Guðrúnu Briem og frú Ragnhildi
Pjetursdóttur, til þess að rannsaka, hvað gert hefir verið
fyrir húsmæðrafræðsluna hjer á landi, og hvernig henni
verði best fyrir komið framvegis. Hafði Búnaðarþing
1927 ályktað að fela stjórninni að skipa nefnd í þessu
skyni. Nefndin mun skila áliti sínu fyrir Búnaðaiþing.
Haustið 1927 skipaði ráðuneytið Sig. Sigurðsson í
nefnd, með þeim verkfræðingunum Steini Steinssyni og
Guðmundi Hlíðdal, til þess að rannsaka og gera tillögur
um stofnun mjólkurbús á Suðuriandsundirlendinu. Áður
hafði ráðuneytið skipað þá vegamálastjóra Geir Zoega,
Magnús bónda Þorláksson á Blikastöðum og Valtý Stef-
ánsson ritstjóra í nefnd, til þess að rannsaka skilyrði
fyrir og gera tillögur um stofnun mjólkurbús í Flóanum.
Álit þeirrar nefndar er birt í 42. árg. „Búnaðarritsins".
— Síðari nefndin hefir enga skýrslu gefið opinberlega
um störf sín og tillógur, en byrjað er nú á byggingu
mjólkurbús í Fióanum, í Laugardælalandi, skamt frá
Ölfusárbrú, og mjólkurbúsfjelag er stofnað í Ölfusi, er
hefir ákveðið að reisa mjólkurbú í Vorsabæjarlandi, nærri
Reykjafossi, og hagnýta hverahitann við mjólkuriönaðinn.