Búnaðarrit - 01.01.1929, Page 109
BtiNAÐARKIT
103
unnið með sjerstökum áhuga og dugnaði að sínum störf-
um, enda eigi haft nein aukastörf þann tíma, sem þeir
•hafa unnið í þjónustu fjelagsins. Samvinnan hefir verið
hin besta og vjer ætíð ráðgast um, hvernig ferðum og
störfum yrði sem best hagað.
Nú skal nokkuð nánar skýrt hver aðalstörfin og verk-
efnin hafa verið.
Ferðir. Starf mitt krefur mikilla ferðalaga. Með eigin
augum þarf maður að sjá hvernig umhorfs er í sveitum
lands vors, kynna sjer möguleika, svo hægt sje að ráða
tii eða aftra framkvæmdum, hvetja menn til fjelagsskap-
ar og samvinnu, þar sem þess er þörf, og koma skipu-
lagi á þann fjelagsskap.
Á árinu 1927 fór jeg utan. Átti jeg aðailega að kynna
mjer búnaðarlöggjöf Norðurlanda, hvað jeg og gerði.
í’erðaðist jeg um Danmörku, Noreg og Svíþjóð. Safnaði
saman öllum núgildandi búnaðarlögum í þessum lönd-
um og kynti mjer ítarlega skipulag hinna stærri bún-
aðarfjelaga. Jeg fór víða um og talaði við fjölda manna,
er hafa með stjórn búnaðarmála að gera í þessum lönd-
um. Mjer hefir eigi unnist tími til að gera yfirlit og
útdrátt úr þeim fræðum, er jeg hafði safnað í þessum
efnum, enda er það mikið verk, og hefir vart þýðingu
nema til samanburðar við íslenska búnaðarlöggjöf og
breytingar á henni.
Eftir að jeg kom úr utanförinni fór jeg víða um á
-Suðurlandsundirlendinu, í ýmsum erindum. Síðan til
Yestfjarða. Stansaði á ísafirði til að skoða undirbúning'
kúabúsins þar og í Bolungarvík, til að athuga þar um
sandgræðslu og ræktunarmöguleika. Þá fór jeg til Norð-
•urlands. Dvaldi um tíma í Eyjafirði og Sigluflrði, alt til
að undirbúa og leiðbeina, viðvíkjandi jarðyrkju á ýms-
•um stöðum.
Að siðustu má nefna, að jeg fór nokkrar ferðir til
Yestmannaeyja, til að kynna mjer og líta eftir jarðyrkju-
íramkvæmdum þar.