Búnaðarrit - 01.01.1929, Síða 110

104
BÚNAÐAÍtRÍT
Á árinu 1928 hefi jeg farið víðsvegar um land. Flestir
ferðadagar eru þó um Suðurlandaundirlendið, einkum
áveitusvæðin, sem jeg hefi reynt að kynna mjer sem
ítarlegast. Þá hefi jeg farið sjerstakar ferðir til Vest-
fjarða, Hornafjarðar og Vestmannaeyja, og eina ferð kring
um alt land. Alls hefi jeg á árinu verið 141 dag á ferða-
lögum, og á þessum ferðum komið á 246 bæi, til skrafs
og ráðagerða um eitt og annað, er að jarðyrkju lýtur.
Fundir. Mikill tími eyðist í fundahöld. Þannig hefi
jeg á árinu setið alls á 75 fundum, þó eigi taldir með
stjómarnefndaifundir Bún.fjel., en ýmiskonar nefnda-
fundir og fundir með bændum til og frá um sveitir.
Skrifstofustörf aukast með ári hverju hjá Bún.fjeU
Einkum eru það jarðræktarlögin, sem eru þar þung á
metum. Endurskoðun og útreikningar á öllum jaiða-
bótaskýrslum á landinu er mikið starf. Fyrirspurnir um
framkvæmd jaiðræktarlaganna berast iðulega o. fl Starfs-
kraftar þeir, sem vjer nú höfum, hrökkva eigi til að
leysa þetta starf af hendi, svo vel sje. Viðvikjandi jarð-
ræktarlögunum hafa veiið skrifuð um 700 brjef.
Jeg hefi á s. 1. ári starfað á skrifstofunni í 224 daga
(he)gidagar meðtaldir). Þennan tima hafa komið á skrif-
stofuna 1866 menn, sem verið hafa að leita sjer upplýs-
inga um eitt og annað, er að búskap lýtur. Að tala við
alla þessa menn, lengur eða skemur, eyðir miklum tíma.
Auk þeirra starfa, er þegar er getið, er mikið starf
að undiibúa ýmsar skýrslur og nefndaálit, sem samin
eru á skrifstofunni.
Bökasafniö. Þá er jeg byrjaði starf mitt hjá Bún.fjel.,
átti fjelagið lítið bókasafn. Jeg sá skjótt þörfina á því
að auka bókasafnið, svo starfsmönnum fjelagsins gæfist
kostur á að kynnast því sem fram færi annarstaðar, og
ýmsum nýungum er að búnaði lúta. Jeg kom því á
ritskiftasambandi við Búnaðarritið, við hin helstu bún-
aðartimarit á Norðuilöndum og víðar, og hafa þessi
viðskifti haldist síðan, Bún.fjel. að kostnaðarlausu. Hjá