Búnaðarrit - 01.01.1929, Page 233
EÚNAÐARRIT
227
best fyrir komið framvegis, hefir lagt fyrir Búnaöar-
þingið álit og tillögur um fræðslu húsmæðra. Erindi
þessu hefir verið vísað til Fjárhagsnefndar og hefir hún
kynt sjer það. Er það að mörgu ítarlegt og ber vott um
mikið og gott starf nefndarinnar.
Fjárhagsnefnd er það Ijóst, að húsmæðrafræðslan í
landinu er mjög fyrir borð borin. Bændur hafa þegar
fengið margvíslegan stuðning í sínum verkahring. Má
til þess neína bændaskólana, búnaðarnámsskeið, almenn-
ar leiðbeiningar og opinber fjárframlög til jarðræktar,
búpeningsræktar, húsabóta o. fl. Enda sjást glögg fram-
faramerki á þessum sviðum.
Hingað til hefir verið allgreinileg verkaskifting milli
húsbænda og húsmæðra. Bóndinn annast alt utanhúss,
eins og áður er vikið að, en húsmóðurin hefir aðal-
umsjónina innanhúss. llun annast meðferð þess, sem
heimilinu er lagt til fæðis og klæða. Á þar við gamla
sannmælið, að meiri vandi er að gæta fengins fjár en
afla þess. Á hennar herðum hvílir og að mestu alt, er
að hreinlæti og innanhúss myndarskap lýtur. Loks leggur
hún með móðurstarfinu aðal-grundvöllinn til menningar
þjóðarinnar.
Þessi verkahringur húsmæðranna er svo víðtækur og
vandasamur, og í svo nánu sambandi við hið andlega
og efnalega þjóðlíf, að það bæri vissulega að leggja
mikið í sölurnar þeim til fræðslu og menningar, og
veita þeim þannig sem best skilyrði, til að standa vel í
stöðu sinni. Til þessa hefir ætíð verið knýjandi þörf, en
vitanlega vex hún, eftir því sem þjóðlífið verður víð-
tækara og umsvifameira. Kröfurnar til heimilanna, um
allan menningarbrag, verða jafnframt að aukast, enda
er og verður menningu þjóðarinnar þann veg best borgið,
að hún eigi sínar dýpstu rætur að rekja til góðra
heimila.
Tillögur þær, er húsmæðra-nefndin ber fram, felst
fjárhagsnefndin á, í aðalatriðum, að því er tilhögun