Búnaðarrit - 01.01.1929, Page 251
BTÍNAÐARRIT
245
45. Styrkbeiðnir til raf}rœðanáms í Noregi og Þýskalandi.
(Fskj.: Nr. 122 og 123. Erindi frá Grunnari Guðmundssyni
frá Veðramóti, til B. í., og svar frá stjórn B. í. til hanB. —
Nr. 221—223. Erindi frá Kristjáni Einarssyni til Búnaðarþings,
prófskírteini hans frá Gagnfrægaskólanum á Akureyri og með-
mæli frá Bræðrunum Ormsson í Rvik).
Allsherjarnefnd hafði þessi erindi til meðferðar. Fram-
sögumaður Guðmundur Þorbjarnarson lagði fram svohlj.
álit og tillögu nefndarinnar, á þskj. 266:
Nefndin lítur svo á, að þörfin fyrir menn, sem færir
sjeu um að setja upp minniháttar rafstöðvar til sveita,
sje mjög mikil, og aö þeir, sem að þessu hafa unn-
ið á undanförnum árum, geti engan veginn fullnægt
eftirspurninni í þessum efnum, en hinsvegar er rafvirkj-
un til sveita svo mikilvægt búnaðar- og menningarmál,
að nauðsynlegt er að Búnaðarfjelag íslands ljái því allan
þann stuðning, er það getur.
Að þessu athuguðu leggur nefndin það til, að fjár-
hagsnefnd sje falið að athuga, hvort ekki sje hægt að
ákveða nokkura fjárupphæð á fjárhagsáætlun fjelagsins,
til þess að styrkja 2 eða fleiri unga og efnilega menn,
sem vilja nema þenna starfa erlendis, og gangi þeir þá
að öðru jöfnu fyrir, er hafa aflað sjer nokkurrar prakt-
iskrar æfingar í starflnu. Styrkir þessir sjeu veittir með
því skilyrði, að styrkþegar skuldbindi sig til að starfa í
þjónustu Búnaðarfjelags íslands að afloknu námi, sje
þess óskað.
Viðvíkjandi styrkbeiðnum þeim, er liggja fyrir nefnd-
inni, þá iítur hún svo á, að það heyri undir verksvið
stjórnar Búnaðarfjelags íslands að ákveða, hverjir verði
þess styrks aðnjótandi, er Búnaðarþingið kann að veita
til þessa náms.
Með þessari greinargerð leggur nefndin það til, að
málinu sje vísað til fjárhagsnefndar.