Búnaðarrit - 01.01.1929, Page 261
BtJNAÐARRIT
255
um, sem Búnaðarfjelag íslands setur og undir eftir-
liti þess“.
Samþ. með 11 shlj. atkv.
Greinar gerí.
Nefndin hafði athugasemdir og tillögur sauðfjárrækt-
arráðunauts til yfirlits. Hjer er lagt til að gera stefnu-
breytingu í þessu máli og er nefndin ekki í vafa um,
að frekar muni nást augljósari árangur af því, að styrkja
fá bú betur, sem væru stærri. Nefndin ætlast og til,
að með þessari tillögu sje dregin markalína um starfs-
svið Búnaðarfjelags íslands til að styrkja sauðfjárrækt-
arbú í framtíðinni. Nefndin ætlast ekki til, að slík bú
fái styrk annarsstaðar frá, en vill aftur á móti að gerð-
ar sjeu fyllri kröfur til þessara stærri búa, svo sem:
Að þeir, sem búin reka hafi nokkra sjerþekkingu í
sauðfjárrækt, fram yfir það sem alment gerist.
Að búin sjeu langtum stærri en þau bú, sem nú erustyrkt.
Að húsrúm fjárins sje sem fullkomnast og að ein-
hverju leyti til fyrirmyndar.
Að ættartölubók sje færð yfir alla hrúta og ærnar og
að ættartala fylgi hverri kind, sem seld er til kynbóta.
Að Búnaðarfjelag íslands hafi íhlutunarrjett um það, hvað
gert skuli við kynbótastofninn, þegar eigandinn fellur frá.
Ef haldið er þeirri stefnu að styrkja smábú, í líkingu
við það, sem gert hefir verið, þá er það augljóst, að
þau geta orðið mörg, eitt í hverri sýslu og jafnvel fleiri.
Því allir hafa jafnan aðgang að styrk frá Búnaðarfjelagi
íslands, sem geta aflað sjer áskilins framlags frá sýslu-
fjelögum eða hreppum. En fyrir svo lítinn styrk er
tæplega hægt að setja fullnægjandi skilyrði, hvorki um
fagþekkingu nje annað, og það mun reynast erfitt að
tryggja það, að byrjunarstarf smábúanna í kynbótaátt-
ina verði áframhaldandi eða varanlegt.
Nefndin er þess vegna mótfallinn því að styrkja fleiri