Búnaðarrit - 01.01.1929, Page 280
274
BtíNAÐARJUT
verða þessu máli til hindrunar. Ennfremur telur
nefndin æskilegt að nokkrar tilraunir í jarðrækt
sjeu gerðar við skólana, og þá einkum sýnt þar
það, er best hefir gefist á tilraunastöðvunum, en
aftur á móti telur nefndin ekki eins mikinn vinn-
ing að því fyrir skólana sem slíka, að þar yrði
framkvæmd fjölþætt og margbrotin tilraunastarf-
semi í jarðrækt.
5. Um þenna lið þarf ekki mörg orð. Það liggur í
augum uppi að öll sú búnaðarlega starfsemi, sem
stöðvarnar hafa með höndum, auk tilraunanna, á
að rekast með svo miklu fyrirmyndarsniði sem
hægt er, en hinu má vitanlega aldrei gleyma í því
sambandi, að tilraunastöðvarnar eru fyrst og fremst
til fyrir tilraunirnar og skólabúin fyrir bændaskólana.
6. Nefndinni er það fyililega ljóst, að starfsemi þessari
verður eigi komið á fót í því formi, er hún hugsar
sjer hana, án ríflegs fjárframlags og stuðnings úr
ríkissjóði, bæði hvað jarða-afnot snertir og beint
fjárframlag. Stöðvarnar verða því fyrst og fremst
ríkisstöðvar og ríkiseign. Hinsvegar telur nefndin
það heppilegt að Búnaðarfjelagi íslands sje falin
framkvæmdin í þessu máli, eftirlit með starfsem-
inni og úthlutun þeirrar fjárveitingar, er ríkið legg-
ur fram í þessu augnamiði. Það liggur í augum
uppi, að stofnkostnaður þessarar starfsemi verður
allmikill, þó lítur nefndin svo á, að vel megi dreifa
honum á fleiri ár og gera hann á þann hátt við-
ráðanlegri. Gera má ráð fyrir að árlegur halli á
starfsemi þessari mundi verða 40—50 þús. krónur,
sem þó færi vitanlega eftir því í hve stórum stíl
yrði byrjað. Á það má og benda, að varið mun
nú þegar til tilraunastarfsemi um 30 þús. krónum
af fje því, er Búnaðarfjelag íslands hefir til um-
ráða, og mundi allmikið af því fje geta gengið til
þeirrar starfsemi, er hjer um ræðir. Aukið árlegt