Sunna - 01.11.1932, Blaðsíða 18

50
S U N N A
Við þurftum að hafa þrjá hesta, tvo til reiðar og einn undir
það dót, sem við þurftum að hafa með okkur til fararinnar,
svo sem tjald, mat og fáein silungsnet. Við bjuggum okkur
til ferðar og héldum af stað. Við riðum fyrst skikkanlega, en
smáhertum á okkur. Og þegar við komum á áfangastaðinn,
voru hestarnir löðursveittir. Við sprettum svo af þeim og
rákum þá út í Mörk. Er þar skógur mikill, og góð beit fyrir
skepnur. Við flýttum okkur því næst að reisa tjaldið og völd-
um okkur fallegt rjóður. Því næst fórum við ofan að vatninu
og settum bátinn á flot og rerum út á vatnið og lögðum
netin. Sá ég marga silunga, þegar við vorum að leggja þau.
Við rerum því næst til lands, og settum bátinn. Fórum við
svo upp í tjaldið og borðuðum dálílið af nesti okkar. Lögð-
um við okkur svo til svefns, því að klukkan var orðin tíu.
Við fórum snemma á fætur næsta morgun til að vitja um.
Þegar við vorum búnir að draga upp fyrsta netið, komu upp
í bátinn Ijómandi fallegir silungar, 28 talsins, og var ég hrif-
inn af að sjá svona marga silunga í bátnum. Við drógum nú
hin netin líka upp í bátinn og voru ekki eins margir í hverju
þeirra. Við suðum silung í miðdegisverð og drukkum soðið
með. Mér þótti gaman að svona útilegulífi, því að það var
líka svo gott veður. Við veiddum betur alla hina dagana, og
þegar við vorum búnir að vera vikuna út, höfðum við veitt
320 silunga og sá stærsti þeirra var 39 merkur.
Jónas Guðmundsson (13 ára) Austurbaejarskóla Reykjavíkur.
(Hrafna-Flóki dvaldi í Vatnsdal, fyrsta vetur sinn á íslandi^ Ritstj.)
Útsýni af brimbrjótnum í Bolungavík.
Það var einn fagran júnímorgun, að ég vaknaði óvenjulega
snemma. Ég klæddi mig í snatri og fór út. Þá hugkvæmdist
mér að fara niður á öldubrjótinn. Er ég kom þangað, sá ég
þá fegurð, er ég eigi hafði tekið eftir áður.
Sólin var að koma upp fyrir fjallahnúkana á Snæfjalla-
ströndinni. Allt var svo undur fagurt og endurnært af hvíld
næturinnar. Sjórinn var spegilsléttur svo langt sem augað
eygði, og var sem öldurnar lékju sér við smásteinana í fjör-